Local News
තරුණ තරුණියන්ට රැකියා ලබාදීමේ වැඩපිළිවෙළ ලබන වසරේ සිට අරඹනවා – ජනපති පවසයි
තරුණ තරුණියන්ට රැකියා ලබාදීමේ වැඩපිළිවෙළ ලබන වසරේ සිට ආරම්භ කරන බවත් රාජ්‍ය අංශයේ මෙන්ම පෞද්ගලික අංශයේ ද නව රැකියා අවස්ථා ඔවුන් වෙනුවෙන් උදාකරදීම තම අරමුණ බවත් ජනාධිපති රනිල් වික්‍රමසිංහ මහතා පැවසීය
කොවිඩ් වසංගතය සහ ආර්ථික කඩා වැටීම හමුවේ ඉකුත් වසර 04 පුරා මෙරට තරුණ තරුණියන්ට රැකියා ලබාදිමට නොහැකි වූ බව පෙන්වා දුන් ජනාධිපතිවරයා රට බංකොළොත්භාවයෙන් නිදහස් කර ගැනීමත් සමඟ නව රැකියා අවස්ථාවන් බිහි කිරීමේ වැඩසටහන් ක්‍රියාත්මක කරමින් රට ඉදිරියට ගෙන යාමේ අවස්ථාව උදා වී ඇති බවද කියා සිටියේය.
ජනාධිපති රනිල් වික්‍රමසිංහ මහතා මේ බව සඳහන් කර සිටියේ යාපනය වාලම්පූරි හෝටලයේ අද (02) පැවති තරුණ හමුවට එක් වෙමිනි. “දීප්තිමත් අනාගතයත් සඳහා වූ ගමනක්” මැයෙන් සංවිධානය කර තිබු මෙම හමුවට යාපනය දිස්ත්‍රික්කයේ තරුණ තරුණියන් විශාල පිරිසක් එක්ව සිටියහ.
මෙහිදී අදහස් දැක්වූ ජනාධිපතිවරයා වැඩිදුරටත් සඳහන් කළේ තරුණ තරුණියන්ගේ අපේක්ෂාවන් රජය කිසිවිටෙකත් අමතක කර නොමැති බවයි.
මූල්‍ය ගැටලු හමුවේ වුවද ගුරු පුරප්පාඩු පිරවීම වෙනුවෙන් මේ වසරේ රජය මුදල් වෙන් කළ බව සඳහන් කළ ජනාධිපති රනිල් වික්‍රමසිංහ මහතා ගුරුවරුන් බඳවා ගැනීම වෙනුවෙන් ලබන වසරේ වැඩි මුදලක් ලබා දීමට කටයුතු කරන බවද කියා සිටියේය.
තරුණ තරුණියන්ට ගෝලීය ප්‍රමිතීන්ට අනුකූල උසස් අධ්‍යාපන අවස්ථා මෙරටදීම ලබා ගැනීමට අවස්ථාව සලසමින් රාජ්‍ය සහ පෞද්ගලික අංශයේ නව අධ්‍යාපන ආයතන රැසක් ඉදිරියේ දී රට තුළ ස්ථාපිත කරන බව ජනාධිපති රනිල් වික්‍රමසිංහ මහතා පැවසීය.
ජනාධිපතිවරයා මේ බව සඳහන් කර සිටියේ “Times School of Higher Education” උසස් අධ්‍යාපන පාසල සමාරම්භය වෙනුවෙන් කොළඹ ගාලු මුවදොර හෝටලයේදී ඊයේ (12) පෙරවරුවේ පැවැත්වුණු උත්සවය අමතමිනි
සීමාසහිත විජය පුවත්පත් සමාගමට අනුබද්ධ ආයතනයක් ලෙස ටයිම්ස් උසස් අධ්‍යාපන ආයතනය ආරම්භ කර තිබෙන අතර විදේශීය විශ්වවිද්‍යාල සහ උසස් අධ්‍යාපන ආයතන තුනක් සමඟ ඒකාබද්ධව ජාත්‍යන්තර ප්‍රමිතීන්ට අනුකුලව මෙහි අධ්‍යාපන කටයුතු පවත්වාගෙන යනු ලබයි.
ප්‍රධාන කාණ්ඩ තුනක් යටතේ පුළුල් පරාසයක රැකියා ඉලක්ක කරගත් අධ්‍යාපන පාඨමාලා මෙහි පවත්වාගෙන යනු ලබන අතර ඒ අනුව සහතික පත්‍ර, ඩිප්ලෝමා සහ උසස් ඩිප්ලෝමා පාඨමාලා මෙන්ම ඩිජිටල් ඇකඩමිය හරහා වෘත්තීය නිපුණතා සංවර්ධන වැඩසටහන් හා උපාධි සහ පශ්චාත් උපාධි වැඩසටහන් මෙහි පවත්වාගෙන යනු ලැබේ.
විජය පුවත්පත් සමාගම විසින් පත් කරන ලද ක්ෂේත්‍රයේ ප්‍රවීනයන්ගෙන් සමන්විත සාමාජිකයින් පස් දෙනෙකුගෙන් යුත් උපදේශක මණ්ඩලයක් විසින් ටයිම්ස් උසස් අධ්‍යාපන ආයතනයේ කටයුතු මෙහෙයවනු ලබනයි. ඉදිරියේදී තවත් විදේශ විශ්වවිද්‍යාල සමඟ සම්බන්ධ වෙමින් මෙරට තරුණ තරුණියන් වෙනුවෙන් ගෝලීය ප්‍රමිතීන්ට අනුකූල ගුණාත්මක අධ්‍යාපනයක් සහතික කිරීම අරමුණ බව මෙහි පාලන අධිකාරිය සඳහන් කරයි
“Times School of Higher Education” උසස් අධ්‍යාපන ආයතනයේ නව වෙබ් අඩවිය විවෘත කිරීමද මෙහිදී ජනාධිපතිවරයා අතින් සිදුවිය.
මෙහිදී අදහස් දැක්වූ ජනාධිපති රනිල් වික්‍රමසිංහ මහතා වැඩිදුරටත් සඳහන් කළේ තරුණ තරුණියන් 50,000කට පිළිගත් ආයතනයක වෘත්තීය පුහුණුවක් ලබා ගැනීමට ආණ්ඩුවෙන් මුදල් ලබා දෙන බවයි. එසේම රට තුළ ඇතිවන ඉදිරි ආර්ථික දියුණුවත් සමඟ රාජ්‍ය හා පෞද්ගලික අංශයේ නව රැකියා අවස්ථා 100,000ක් පමණ නිර්මාණය වන බව සඳහන් කළ ජනාධිපතිවරයා එම කටයුතුවලදී මෙවන් නව අධ්‍යාපන ආයතන බිහිවීම ඉතා වැදගත් බවද පෙන්වා දුන්නේය.
ටයිම්ස් උසස් අධ්‍යාපන පාසල ජනපති අතින් විවෘත කෙරේ
මහපොළ හා ශිෂ්‍යාධාර ඉහළ නැංවීමට අමාත්‍ය මණ්ඩලය අනුමැතිය..
රාජ්‍ය අංශයේ වැටුප් සම්බන්ධ තීරණය සැලසුම් කල පරිදි ක්‍රියාත්මකයි – ජනාධිපති මාධ්‍ය ඒකකය
දෙහිවල සත්වෝද්‍යානයේ සතුන් කිහිප දෙනෙකුට කොවිඩ්…
2021 අය වැය වැඩි ඡන්ද 97කින් සම්මත වේ…
