කැනඩාවේ වැන්කූවර් නුවර පැවති ලපු ලපු දින සැමරුම සඳහා පැවති වීථි සැණකෙළියකට මෝටර් රථයක් කඩා වැදීමෙන් පුද්ගලයින් 9 දෙනෙකු ජීවිතක්ෂයට පත්වී ඇති අතර තවත් කිහිපදෙනෙකු තුවාල ලබා ඇත.

විදෙස් මාධ්‍ය වාර්තා අනුව, මෙය ත්‍රස්තවාදී ක්‍රියාවක් නොවන බව පොලීසිය පවසා ඇති අතර, 30 හැවිරිදි සැකකරුවෙකු අත්අඩංගුවට ගෙන තිබේ. ඔහු වැන්කූවර් නුවර පදිංචිකරුවෙකු වන බවද සඳහන්ය.

කැනඩාවේ අග්‍රාමාත්‍ය මාර්ක් කාර්නි මෙම මාරාන්තික සිද්ධිය සම්බන්ධයෙන් සිය ශෝකය ප්‍රකාශ කර තිබේ.

ඉරානයේ බන්ඩාර් අබ්බාස් ප්‍රදේශයේ පිහිටි ෂාහීන් රාජී වරායේ සිදුවූ දැඩි පිපිරීමෙන් මේ වන විට පුද්ගලයින් 14 දෙනෙකු ජීවිතක්ෂයට පත්ව ඇති බව විදෙස් මාධ්‍ය වාර්තා කරයි.

මෙම අනතුරින් තවත් පුද්ගලයින් 750කට ආසන්න සංඛ්‍යාවක් තුවාල ලබා රෝහල්ගත කර ඇති අතර, වරායේ පිපිරීමේ සද්දය කිලෝමීටර් 50ක් දක්වා දුරකට දැනී ඇත. වාර්තා අනුව, මෙයට පෙර වරායේ ගින්නක් ත්‍රිව්‍ර වර්ධනය වී, පසුව විශාල පිපිරීමකට හේතු වී ඇත.

ෂාහිඩ් රාජී වරාය ඉරානයේ විශාලතම හා වඩාත්ම සංවර්ධිත වරාය වන අතර, රටේ වාණිජ නැව් ගමනාගමනයේ වැඩිම කොටස මෙහිදී සිදුවේ.

මෙම අනතුර සම්බන්ධයෙන් විමර්ෂන කටයුතු හා ආරක්ෂක පියවර මොනවාද යන්න පිළිබඳව මෙතෙක් නිළ වශයෙන් ප්‍රකාශයක් නිකුත් කර නැත.

පාකිස්තාන සුපර් ලීගය (PSL) සම්බන්ධයෙන් ඉන්දියාව තවත් දැඩි තීරණයක් ගෙන ඇති අතර, මේ දිනවල ක්‍රියාත්මක PSL තරගාවලියේ ඉතිරි තරග සියල්ල ඉන්දියාව තුළ විකාශය අත්හිටුවා තිබේ.

කාශ්මීරයේදී සංචාරකයින් ඉලක්ක කරමින් සිදු වූ ත්‍රස්ත ප්‍රහාරයකට පාකිස්තානයට ඍජුව චෝදනා කරමින්, ඉන්දියාව මේ වනවිට විවිධ ක්‍රියාමාර්ග රැසක් අරඹා ඇති අතර, ඵ්Sළ් විකාශය නවතා දැමීමද එම ක්‍රියාමාර්ගවලින් එකකි.

පාකිස්තානයේ ප්‍රමුඛතම විස්සයි20 තරගාවලියක් වන PSL හි මෙතෙක් පැවැත්වුණු සියලු තරග ඉන්දියාව තුළ විකාශය කර තිබුණද, පසුගිය (22)දා කාශ්මීරයේ පහල්ගම් ප්‍රදේශයේදී සිදු වූ ත්‍රස්ත ප්‍රහාරයත් සමග මෙම තීරණය ගෙන ඇත.

එම ප්‍රහාරයෙන් ඉන්දියානුවන් 26 දෙනෙකු මියගොස් තවත් 10 දෙනෙකු තුවාල ලබා ඇති අතර, මෙය පාකිස්තානයේ අනුදැනුම යටතේ සිදු වූවක් බවට ඉන්දියාව දැඩි චෝදනා කරයි.