මධ්‍යම පරිසර අධිකාරියේ නව සභාපතිවරයා ලෙස මහාචාර්ය තිලක් හේවාවසම් මහතා වැඩ භාරගෙන තිබේ.

හේවාවසම් මහතා ස්විස්ටර්ලන්තයේ බර්න් විශ්වවිද්‍යාලයේ ආචාර්ය උපාධිධරයෙක් වන් අතර පේරාදෙණිය විශ්ව විද්‍යාලයේ භූගෝල විද්‍යා අධ්‍යයන අංශයේ භූගර්භ විද්‍යාව පිළිබඳ මහාචාර්යවරයෙක් කටයුතු කරේ. එමෙන්ම ඔහු එම විශ්වවිද්‍යාලයේ පාරිසරික තිරසාරත්ව කේන්ද්‍රයේ අධ්‍යක්ෂවරයා ලෙසද කටයුතු කළේය.

2024 (2025) අ.පො.ස සා/පෙළ විභාගය සඳහා අයදුම්පත් අද (05) සිට මාර්ගගතව භාරගන්නා බව විභාග දෙපාර්තමේන්තුව පවසයි.

නිවේදනයක් නිකුත්කරමින් විභාග කොමසාරිස් ජනරාල්වරයා සඳහන් කළේ, 2024 නොවැම්බර් 30 දක්වා එම අයදුම්පත් භාරගන්නා බවය.

ඒ අනුව සියලුම පාසල් අයදුම්කරුවන් තම පාසලේ විදුහල්පති මගින් ද, පෞද්ගලික අයදුම්කරුවන් පෞද්ගලිකව ද අදාළ උපදෙස් අනුව මාර්ගගතව අයදුම්පත්‍ර ඉදිරිපත් කළ යුතු අතර පෞද්ගලික අයදුම්කරුවන් අ.පො.ස. (සා.පෙ) විභාගය සඳහා අයදුම්කිරීමේදී ජාතික හැඳුනුම්පත භාවිත කර අයදුම් කළ යුතු වේ.

ජාතික හැඳුනුම්පත නොමැති පෞද්ගලික අයදුම්කරුවන් තම භාරකරුගේ (මව හෝ පියා) ජාතික හැදුනුම්පත භාවිත කර ලියාපදිංචි වී අයදුම්පත් ඉදිර්පත් කළ යුතු බව විභාග දෙපාර්තමේන්තුව පවසයි

ශ්‍රී ලංකා විභාග දෙපාර්තමේන්තුවේ නිල වෙබ් අඩවිය වන www.doenets.lk හෝ www.onlineexams.gov.lk/eic වෙත පිවිස අදාළ උපදෙස් හොඳින් කියවා ඒ අනුව නිවැරදිව අයදුම්පත් ඉදිරිපත් කළ යුතු ය.

එමෙන්ම අවශ්‍ය අවස්ථාවකදී ඉදිරිපත් කිරීම සඳහා අයදුම්පතේ මුද්‍රිත පිටපතක් තමන් භාරයේ සුරක්ෂිතව තබා ගත යුතුය.

පාසල් අයදුම්කරුවන්ගේ අයදුම්පත් ඉදිරිපත් කිරීම සඳහා භාවිත කළයුතු පශීලක නාම (user name) හා මුර පද (password) පාසල් ප්‍රධානීන් වෙත ලබා දී ඇත.

2024 නොවැම්බර් මස 30 වන දින මධ්‍යම රාත්‍රී පසුව මෙම විභාගය සඳහා අයදුම් කළ නොහැක බවත් කිසිදු හේතුවක් මත අයදුම්පත් භාරගැනීමේ අවසන් දිනය දීර්ඝ කිරීමක් සිදුනොකරන බව ද විභාග දෙපාර්තමේන්තුව පවසයි.

මේ සම්බන්ධයෙන් කිසියම් විමසීමක් අවශ්‍ය වන්නේ නම් පහත දැක්වෙන දුරකථන අංක මගින් හෝ විද්‍යුත් තැපෑල මගින් වීමසීම් කළ හැකි එම දෙපාර්තමේන්තුව වැඩිදුරටත් නිවේදනය කරයි.

දුරකථන අංක : 0112784208 0112784537 / 0112785922
විද්‍යුත් තැපෑල : [email protected]

හෙට (05) ගම්පහ දිස්ත්‍රික්කයේ ප්‍රදේශ කිහිපයකට පැය 12ක් සඳහා ජල සැපයුම අත්හිටුවන බව ජාතික ජල සම්පාදන හා ජලාපවාහන මණ්ඩලය පවසයි. ඒ මීගමුව – කොළඹ ප්‍රධාන මාර්ගයේ අත්‍යවශ්‍ය නඩත්තු කටයුක්තක් හේතුවෙන් බියගම ජල පවිත්‍රාගාරයට ජල සැපයුම තාවකාලිකව අත්හිටුවන බැවිනි.

ඒ අනුව හෙට පස්වරු 6.00 සිට බදාදා පෙරවරු 6.00 දක්වා ජාඇළ, කටුනායක, සීදූව නගර සභා බලප්‍රදේශය, කටාන සහ මිනුවන්ගොඩ ප්‍රාදේශය සභා බලප්‍රදේශ සහ ජාඇළ සහ ගම්පහ ප්‍රාදේශීය බල ප්‍රදේශයේ කොටසකට ජල සැපයුම අත්හිටුවනු ලබයි.