මෙරට සංචාරක කර්මාන්තය දියුණු කිරීමේ නව අදියරක් ලෙස කොළඹ හා කටුනායක අතර අභ්‍යන්තර ගුවන් ගමන් අද (03) පෙරවරුවේ ආරම්භ විය.

කොළඹ බේරේ වැව දක්වා සිනමන් ගුවන් සමාගමට අයත් Cessna 208 වර්ගයේ SEAPLANE යානයක් කටුනායක ගුවන්තොටුපොළේ සිට පියාසර කිරීමෙන් මෙම ගමනේ මුල් ගමන් සිදු කරන ලදී.

එම ගමනට වරාය හා සිවිල් ගුවන් සේවා නියෝජ්‍ය අමාත්‍ය ජනිත රුවන් කොඩිතුවක්කු සහ සංචාරක නියෝජ්‍ය අමාත්‍ය මහාචාර්ය රුවන් රණසිංහ ඇතුළු පිරිසක් සහභාගී වූහ.

යානයෙන් පැමිණි දිනුවාන්වරුන් පිළිගැනීමට ප්‍රවාහන, මහාමාර්ග හා සිවිල් ගුවන් සේවා අමාත්‍ය බිමල් රත්නායක, ආරක්ෂක ලේකම් සම්පත් තුයියකොන්තා සහ සිනමන් හෝටල් සභාපති ක්‍රිෂාන් බාලේන්ද්‍ර Cinnamon Lakeside ජැටිය වෙත පැමිණ සිටියේය.

අනතුරුව අමාත්‍ය බිමල් රත්නායක මහතා ගුවන් යානයේ ප්‍රධාන ගුවන් නියමුවා කපිතාන් ඉන්දික ප්‍රේමදාස සහ සහකරු නියමුවරයා ඉසුරු මුණසිංහ සමග කෙටි කතාබහක නිරත විය.

ජනාධිපති අනුර කුමාර දිසානායක මහතා අද දහවල් මල්වතු සහ අස්ගිරි මහා නා හිමිපැණන් බැහැදැක ආශිර්වාද ලබා ගත්තේය.

පළමුව මල්වතු මහා විහාරය වෙත ගිය ජනාධිපතිවරයා, මල්වතු මහා නායක අතිපූජ්‍ය තිබ්බටුවාවේ ශ්‍රී සුමංගල නායක හිමිපාණන් වහන්සේ බැහැදැක සුවදුක් විමසා කෙටි සංවාදයක නිරත විය.

එමෙන්ම ඔහු අස්ගිරි මහා විහාරය වෙත ගොස්, අස්ගිරි මහා නායක අතිපූජ්‍ය වරකාගොඩ ශ්‍රී ඥානරතන නායක හිමිපාණන් වහන්සේ බැහැදැක සුවදුක් විමසා කෙටි පිළිසඳරක ද නිරත විය.

මිනිස් ජීවිතයට දැඩි තර්ජනයක් වන පිළිකාවට එරෙහිව ප්‍රතිකාර සොයමින් ලෝකයේම අවධානය යොමු වන අතර, එහි සටනේ නව තත්ත්වයක් ලෙස කොළඹ සරසවියේ ජෛව රසායන, අණුක ජීවවිද්‍යා සහ ජෛව තාක්ෂණ ආයතනය පිළිකා සෛල නසන නව පෝෂක ඖෂධයක් සොයාගැනීමට සමත් වී ඇත.

2008 සිට වසර 17ක් පුරා සිදුකළ පර්යේෂණයක ප්‍රතිඵලයක් වන මෙම සොයාගැනීම අණුක ජීවවේදය සහ ජාල ඖෂධවේදය වැනි නවීන ක්‍රම භාවිතා කරමින් ඖෂධීය ශාක 05ක් එකලස් කිරීම මත සිදු කර ඇත.

මෙම ඖෂධය සම්පාදනයට භාවිතා කළ ශාකවලින් වර්නෝනියා සෙයිලනිකා, නිගෙලා සටීවා, හෙමයිඩෙස්මන් ඉන්ඩිකස්, ලුකාස් සෙයිලනිකා සහ ස්මිලැක්ස් ග්ලැබ්රා යන ඖෂධීය ශාක නම් කළේය.

මහාචාර්ය සමීර ආර්. සමරකෝන් ඇතුළු පර්යේෂණ කණ්ඩායම සඳහන් කරන්නේ, මෙම ශාක සම්මිශ්‍රණය පිළිකා සෛල විනාශ කිරීමට හැකි බව තහවුරු වී ඇති බවය.

ගෝලීය වශයෙන් වසරකට මිලියන 10කට ආසන්න මරණ සංඛ්‍යාවක් පිළිකාව නිසා සිදුවන අතර, ශ්‍රී ලංකාවේද වසරකට පුද්ගලයින් 15,000-20,000ක් පිළිකාව හේතුවෙන් මියයයි. මෙම තත්ත්වය මැඩපවත්වීමට දේශීය සොයාගැනීම මෙරට සෞඛ්‍ය කර්මාන්තයට වැදගත් ගැටුමක් බවට පත් වීමට ඉඩ ඇත.