2030 පොදුරාජ්‍ය මණ්ඩලීය ක්‍රීඩා උළෙලේ සත්කාරකත්වය ඉන්දියාවේ අහ්මදාබාද් නගරයට ලබාදීමට පොදුරාජ්‍ය මණ්ඩලීය ක්‍රීඩා විධායක මණ්ඩලය අද (15) තීරණය කර තිබේ.
ඒ අනුව, ලෝකයේ ඔලිම්පික් උළෙලට පසුව විශාලතම ක්‍රීඩා උළෙල ලෙස සැලකෙන මෙම උළෙලට ඉන්දියාවට දෙවන වරටත් සත්කාරකත්වය භාරගැනීමට අවස්ථාව ලැබේ.
ලොව ජනාවාසයෙන් විශාලතම රටක් වන ඉන්දියාව අවසන් වරට 2010 දී දිල්ලි නගරයේදී මෙම උළෙල පවත්වා තිබුණි.
2030 ක්‍රීඩා උළෙලට විශේෂත්වයක් ලබාදෙන්නේ එය උළෙලේ සියවසක සංවත්සරය සමරන වර්ෂය වීමයි. මෙම උළෙල මුලින්ම 1930 දී කැනඩාවේදී ආරම්භ විය.
ඉන්දියාවට අමතරව නයිජීරියාවේ අබුජා නගරයද සත්කාරකත්වය ලබාගැනීමට පෙර සූදානම්ව සිටියද, පසුව ඔවුන් තම අයදුම ඉවත් කර ගත්තේය.
මෙම උළෙලේ සත්කාරකත්වය සාමාන්‍යයෙන් වසර පහකට පෙර ප්‍රකාශයට පත් කරන අතර, අවසන් තීරණය නොවැම්බර් 26 වනදා ග්ලාස්ගෝහි පැවැත්වෙන මහා සභාවේදී නිලවශයෙන් ප්‍රකාශයට පත් කිරීමට නියමිතය.
