මේ වන විට ට්විටර් සහ ෆේස්බුක් සමාජ මාධ්‍ය ජාල ඩොනල්ඩ් ට්‍රම්ප් ගේ ගිණුම් ක්‍රියා විරහිත කර තිබේ. ඒ අමෙරිකානු ජනාධිපති සහ උප ජනාධිපති ලෙස ජෝ බයිඩන් සහ කමලා හැරිස් එරට කොංග්‍රසය විසින් සහතික කරන ක්‍රියාවලිය සිදුවෙමින් පවතින අතරතුර ජනාධිපති ඩොනල්ඩ් ට්‍රම්ප් ගේ ආධාරකරුවන් විශාල පිරිසක් “කැපිටල් ගොඩනැගිල්ල” තුළට කඩාවැදී එහි දේපල වලට හානි කළ අතර එම සිදුවීමෙන් සිව් දෙනෙක් වෙඩිවැදී මරණයට පත්වීමේ සද්ධියත් සමඟයි.
මේ වනවිට අමෙරිකාවේ අග නගරය වන වොෂිංටන් නගරයේ ඇඳිරිනීතිය පනවා ඇති අතර ඇඳිරිනීතිය කඩකළ 47 දෙනෙක් ඇතුළු 52ක් අත්අඩංගුවට ගෙන තිබේ.
මේ අතර ඉන්දීය අගමැති නරේන්ද්‍ර මෝදී, අමෙරිකාවේ මතුව ඇති තත්ත්වය ගැන ට්විටර් පණිවුඩයක් නිකුත්කරමින් “බලය පැවරීම නීත්‍යානුකූල සහ සාමකාමී ලෙස සිදුවිය යුතුයි” යනුවෙන් හා “නීත්‍යානුකූල නොවන උද්ඝෝෂණ හේතුවෙන් ප්‍රජාතන්ත්‍රවාදී ක්‍රමවේදයට ගැටලු ඇතිවීම ට ඉඩ දිය නොහැකි” බවද සඳහන් කරයි.
