හෙට සිට ක්‍රියාත්මක වන පරිදි චීනය, අමෙරිකාවෙන් ආනයනය කරන සියලුම භාණ්ඩ සඳහා 84% ක තීරු බදු ප්‍රකාශයට පත් කර තිබේ.
ඒ අමෙරිකාව පැනවූ 104% ක තීරු බදු වලට ප්‍රතිචාර දක්වමින් ය.

ඉන්දුනීසියාවේ බටහිර අචේහ් (Aceh) ප්‍රාන්තයේ භූ කම්පනයක් හටගෙන තිබේ.

අද (08) අලුයම 2.48ට පමණ හටගත් මෙම කම්පනය රික්ටර් මාපකයේ ඒකක 5.9ක ප්‍රබලත්වයක් පෙන්වා තිබේ.

කෙසේ වෙතත් භූ කම්පනය හේතුවෙන් සුනාමි තත්ත්වයක් ඇති වීමට ඉඩක් නොමැති බවද විදෙස් මාධ්‍ය වාර්තා කර සිටියා.

දකුණු කොරියාවේ කැබිනට් මණ්ඩලය රැස්වීමෙන් අනතුරුව ජනාධිපතිවරණය සඳහා දින නියම වී තිබේ.

ඒ අනුව දකුණු කොරියාවේ ජනාධිපතිවරණය ජුනි 3 වනදා පැවැත්වීමට නියමිත බව සඳහන් වේ.

පසුගිය වසරේ දෙසැම්බර් 14 වනදා දකුණු කොරියාවේ ජනාධිපතිධුරයේ කටයුතු කළ යුන් සුක් යෙයොල්ට එරෙහිව එරට පාර්ලිමේන්තුවට දෝෂාභියෝගයක් ඉදිරිපත් කර ඔහු ධුරයෙන් ඉවත් කෙරුණි.