ශ්‍රී ලාංකිකයන් ගැන කිසිදු තැකීමක් නොමැතිව ආණ්ඩුව භේදකාරී ප්‍රතිපත්ති ඉටුකිරීමට උත්සාහ කරන බව හිටපු අමාත්‍ය, පිවිතුරු හෙළ උරුමයේ නායක, පාර්ලිමේන්තු මන්ත්‍රී උදය ගම්මන්පිල මහතා පවසයි. දෙමළ ජාතික සන්ධානය ශ්‍රී ලාංකික ඩයස්පෝරාවෙන් සහය ලබා දෙන බවට පොරොන්දු වුවද 13 වැනි ව්‍යවස්ථා සංශෝධනයේ සඳහන් පරිදි බලය බෙදීමක් ඉල්ලා සිටින බවත් එය ශ්‍රී ලාංකිකයන්ට මෙන්ම ඩයස්පෝරාවටද බලපානු ඇති බවට හිටපු අමාත්‍යවරයා චෝදනා කළේය.ඔහු මේ බව ප්‍රකාශ කළේ අද (26) ශ්‍රී ලංකා අමරපුර මහා නිකායේ මහනායක අග්ගමහා පණ්ඩිත හිමි බැහැදුටු අවස්ථාවේ දීය.
