කම්කරු පක්ෂයෙන් ඕස්ට්‍රේලියාවේ හෝල්ට් මැතිවරණ ආසනය නියෝජනය කල ශ්‍රී ලංකාවේ උපන් කැසෙන්ඩ්‍රා ප්‍රනාන්දු මෙවර ඕස්ට්‍රේලියානු මහ මැතිවරණයෙන් පාර්ලිමේන්තු වරම් ලබා තිබේ.
සිය 11 වැනි වියේදී එනම් 1999 වසරේදී කැසෙන්ඩ්‍රා ප්‍රනාන්දු සිය දෙමව්පියන් සමග ඕස්ට්‍රේලියාවට පැමිණ තිබෙන අතර ඇය ඕස්ට්‍රේලියානු පාර්ලිමේන්තුවට තේරීපත්වූ ශ්‍රී ලාංකික සම්භවයක් සහිත පළමු කාන්තාව වේ.
හෝල්ට් මැතිවරණ ආසනයෙන් ලිබරල් පක්ෂයෙන් ඇයට එරෙහිව තවත් ලාංකිකයෙකු වන රංජ් පෙරේරා තරග කර තිබූ අතර කැසෙන්ඩ්‍රා ප්‍රනාන්දු 57.5% ක ඡන්ද ප්‍රතිශතයක් ලබා ගනිද්දී, රංජ් පෙරේරා ලබාගෙන ඇත්තේ 42.5% ක ඡන්ද ප්‍රතිශතයක් පමණි.
