බොරතෙල් භාණ්ඩ සඳහා විදේශ විනිමය හිඟයක් හේතුවෙන් සපුගස්කන්ද තෙල් පිරිපහදුව අද (07) සිට වසා තැබෙන බව අමාත්‍ය කාංචන විජේසේකර මහතා පවසයි. ට්විටර් පණිවුඩයක් නිකුත් කරමින් ඔහු කියා සිටියේ ලංකා ඛනිජ තෙල් නීතිගත සංස්ථාව (CPC) සතුව සියලුම නිෂ්පාදන සඳහා ප්‍රමාණවත් තොග ඇති බැවින් පිරිපහදු කළ නිෂ්පාදනවල හිඟයක් ඇති නොවන බවයි. ශ්‍රී ලංකා මහ බැංකුව (CBSL) පිරිපහදු කළ නිෂ්පාදන සඳහා සතිපතා විදේශ විනිමය අවශ්‍යතා ලබා දී ඇති බව ඔහු වැඩිදුරටත් පැවසීය.
