මීගමුව ප්‍රාදේශීය ලේකම්වරයා ඔහුගේ නිල නිවසේ ගෙල වැලලාගෙන මියගොස් සිටියදී සොයගෙන ඇති බව පොලිසිය ප්‍රකාශ කර සිටියා.

ඔහු 42 හැවිරිදි විවාහක පුද්ගලයෙක් වන අතර මරණයට හේතුව මෙතෙක් අනාවරණය වී නොමැත. සිද්ධිය සම්බන්ධයෙන් වැඩිදුර පරීක්ෂණ පොලිසිය සිදු කරමින් පවතී.

ජාත්‍යන්තර වෙළෙඳපොළෙහි බොර තෙල් මිල පහළ ගොස් ඇති අතර එක්සත් ජනපදයේ ණය සීමාව සම්බන්ධයෙන් ඇතිව තිබූ මතගැටුම සමනයවීම ඊට ප්‍රධාන හේතුව ලෙස සඳහන් වෙයි.

බ්‍රෙන්ට් බොර තෙල් බැරලයක මිල ඩොලර් 75.71 දක්වාද, වෙස්ට් ටෙක්සාස් ඉන්ටර්මීඩියෙට් බැරලයක මිල ඩොලර් 71.48 දක්වාද අඩුවී තිබූ අතර සමස්තයක් වශයෙන් බොර තෙල් මිල 2%කින් පමණ පහළගොස් ඇති බව මාධ්‍ය වාර්තා සඳහන් කර සිටියා.

පළාත් පාලන මැතිවරණය කල් දැමීමට ජනාධිපති රනිල් වික්‍රමසිංහ ගත් තීරණයට තමන් විරුද්ධ බව හිටපු ජනාධිපති මහින්ද රාජපක්ෂ මහතා පවසයි.
මාධ්‍යවේදීන් අමතමින් හිටපු අග්‍රාමාත්‍යවරයා ප්‍රකාශ කළේ මැතිවරණය පැවැත්වීම ජනාධිපතිවරයාගේ වගකීමක් බවයි.
“අපි ඕනෑම වෙලාවක මැතිවරණයට ඉදිරිපත් වෙන්න සූදානම්. මේ ආණ්ඩුව මැතිවරණය දිනයිද කියලා අවිනිශ්චිතයි, ඒ නිසා තමයි මැතිවරණය කල් දැම්මේ” මහින්ද රාජපක්ෂ මහතා වැඩිදුරටත් පැවසීය.