අලුතින් ශ්‍රී ලංකාවට පත්ව සිටින රටවල් හතක නව තානාපතිවරුන් අද (15) පෙරවරුවේ ජනාධිපති අනුර කුමාර දිසානායක මහතා වෙත ඔවුන්ගේ නිල අක්තපත්‍ර භාරදීම් සිදුකළහ.

මෙම නව තානාපතිවරුන් අදාළව පත්වී ඇත්තේ ආජන්ටිනා, සිම්බාබ්වේ, ඊශ්‍රායලය, පිලිපීන, ටජිකිස්තානය, කාම්බෝජය සහ ඩෙන්මාර්ක් රටවල් සඳහාය.

ආජන්ටිනා ජනරජය සඳහා නවදිල්ලියේ වාසික තානාපතිවරයා ලෙස මාරියානෝ අගුස්ටින් කච්චිනෝ මහතා පත්වී තිබේ. සිම්බාබ්වේ ජනරජය සඳහා තානාපතිවරිය ලෙස ස්ටෙලා න්කොමෝ මහත්මිය නම් කර ඇති අතර, ඊශ්‍රායලය සඳහා රූවෙන් හවීයර් අසාර් මහතා, පිලිපීන ජනරජය සඳහා නිනා පී. කයින්ග්ලට් මහත්මිය, ටජිකිස්තානය සඳහා ලුක්මොන් බොබොකලොන්සෝඩා මහතා, කාම්බෝජ රාජධානිය සඳහා රත් මැනි මහත්මිය සහ ඩෙන්මාර්ක් රාජධානිය සඳහා රස්මස් ක්‍රිස්ටෙන්සන් මහතා යන අය මෙම අවස්ථාවට එක්වූහ.

ජනාධිපතිවරයා මෙහිදී පැවසුවේ රට තුළ සිදුවී ඇති දේශපාලනික පරිවර්තනය පිළිබඳ පණිවුඩය ජාත්‍යන්තරයට ගෙනයාම හා ශ්‍රී ලංකාවේ ප්‍රතිරූපය ජාත්‍යන්තර වේදිකාවල ඔසවා තැබීම තානාපතිවරුන් සතු මූලික වගකීමක් බවය.

මෙම උත්සවය සඳහා විදේශ කටයුතු, විදේශ රැකියා සහ සංචාරක අමාත්‍ය විජිත හේරත් මහතා සහ ජනාධිපති ලේකම් ආචාර්ය නන්දික සනත් කුමානායක මහතා ද සහභාගී වූහ.

මෙරට සංචාරයක නිරතව සිටින යුරෝපා සංගමයේ නියෝජිතයින් සහ විදේශ කටයුතු, විදේශ රැකියා සහ සංචාරක අමාත්‍ය විජිත හේරත් මහතා අතර සාකච්ඡාවක් අද (30) පැවැත්විණි. මෙම සාකච්ඡාවේ දී යුරෝපා සංගමය ශ්‍රී ලංකාවට අඛණ්ඩව ලබා දෙන සහාය පිළිබඳව අමාත්‍ය විජිත හේරත් මහතා ස්තූතිය පළ කළේ ය. ඝ්Sඵ්+ සහනය (සාමාන්‍යකරණය කළ මනාප යෝජනා ක්‍රමය) රටේ ආර්ථික දියුණුව සඳහා පමණක් නොව දුප්පත්කම තුරන් කිරීමටත් දායක වන බව ද අමාත්‍යතුමා නියෝජිත කණ්ඩායමට පෙන්වා දුන්නේ ය.

නව රජය බලයට පත්වීමෙන් පසු ලබා ඇති ප්‍රගතිය පිළිබඳව අමාත්‍යතුමා නියෝජිත පිරිස දැනුවත් කළේ ය. රට තුළ වාර්ගික ගැටුම්, ආගමික ගැටුම් වාර්තා නොවන අතර ජාතික සමගිය රජයේ ප්‍රධාන ප්‍රතිපත්තිය වේ. උතුරු සහ නැගෙනහිර පළාත් මෙන් ම වතුකරයේ ජනතාවගේ පිළිගැනීම නව රජයට හිමි වීම සුවිශේෂ ලක්ෂණයක්. 2024 මහමැතිවරණයේ දී උතුරු පළාතේ සියලු දිස්ත්‍රික්ක ජයග්‍රහණය කිරීම රජය ලබා ඇති ජනතා විශ්වාසය පිළිබිඹු කරයි.

නව රජය යටතේ ප්‍රජාතන්ත්‍රවාදය ශක්තිමත් කිරීමට අදාළ ක්‍රියාමාර්ග ද ගෙන ඇතැයි අමාත්‍යතුමා පෙන්වා දුන්නේ ය. 2024 මහමැතිවරණ සඳහා රාජ්‍ය සම්පත් භාවිත නොකිරීම, පසු මැතිවරණ ප්‍රචණ්ඩ ක්‍රියා වාර්තා නොවීම සුවිශේෂ අවස්ථා වේ. ස්වාධීන කොමිෂන් සභාවන්හි ක්‍රියාකාරීත්වයට මැදිහත් නොවී ස්වාධීනව ක්‍රියාත්මක වීමට ඉඩ සලසා තිබීමත් ප්‍රජාතන්ත්‍රවාදය සුරැකීම සඳහා නිසි කාල සීමාවන් තුළ මැතිවරණ පැවැත්වීමටත් රජය ක්‍රියා මාර්ග ගෙන ඇත. ත්‍රස්ථවාදය වැළැක්වීමේ පනත ඉවත් කිරීම පිළිබඳව අධ්‍යනය කිරීම සඳහා කමිටුවක් පත්කොට ඇති අතර එම කමිටුව මාස තුනක කාලයක් තුළ වාර්තාවක් සකස් කර පාර්ලිමේන්තුවට ඉදිරිපත් කිරීමට නියමිත ය.

ආර්ථික ප්‍රගතිය පිළිබඳව කරුණු ඉදිරිපත් කළ අමාත්‍යතුමා පසුගිය කාල සීමාව තුළ රජයේ වැඩි අවධානය ආර්ථිකය නැවත නගා සිටුවීම කෙරෙහි යොමු කර තිබූ බවත් පාර්ලිමේන්තුව තුළ අයවැය සාර්ථකව සම්මත කරගැනීම සුවිශේෂ කඩඉමක් බවත් නියෝජිත පිරිසට පෙන්වා දුන්නේ ය. එමෙන් ම විවිධ රාජ්‍යන් සමඟ ද්විපාර්ශික ගිවිසුම්වලට එළඹීමට හැකි වීමත් නව රජය ලබාගත් සුවිශේෂ ජයග්‍රහණ වේ.

රජයේ ප්‍රධාන වැඩපිළිවෙලක් වන වංචාව සහ දූෂණය තුරන් කිරීමට අදාළව පස් අවුරුදු සැලැස්මක් ක්‍රියාත්මක කර තිබෙනව බව ද අමාත්‍යතුමා අවධාරණය කළේ ය. ඊට අදාළ අණපනත් කිහිපයක් සම්මත කර ඇත. පසුගිය කාලවකවානුවල රාජ්‍ය දේපල අවභාවිත කිරීම්වලට සම්බන්ධ පිරිසට එරෙහිව නීති ක්‍රියාමාර්ග ගෙන ඇති අතර ඒ කිසිවක් දේශපාලන පලිගැනීම් නොවන්නේය. මීට අමතරව පාතාලය වැලැක්වීමට සහ මත්ද්‍රව්‍ය ජාවාර්ම්කරුවන්ට එරෙහිව ද නීතිය තදීන් ක්‍රියාත්මක කර ඇතැයි අමාත්‍යතුමා පැහැදිලි කළේ ය.

යුරෝපා සංගමයේ නියෝජිත කණ්ඩායම නව රජයට සුබපැතූ අතර ජාත්‍යන්තර මූල්‍ය අරමුදලෙහි වැඩසටහනට අනුගතව රජය ක්‍රියාත්මක වීම පිළිබඳව ප්‍රසාදය පළ කළේ ය. එමෙන් ම නව රජය අනුගමනය කරන යහපලන පිළිවෙත් ද නියෝජිත කණ්ඩායමේ පැසසුමට ලක් විය. ස්වාධීන කොමිෂන් සභාවන් ස්වාධීනව ක්‍රියාත්මක වීමට අවස්ථාව සලසා තිබීම සහ ඒ පිළිබඳව ප්‍රිතිපත්ති ක්‍රියාවට නැවීම ද නියෝජිත කණ්ඩායමේ ඇගයීමට ලක් විය. ත්‍රස්ථවාදය වැළැක්වීමේ පනත සම්බන්ධයෙන් කාලරාමුවක් සහිතව ක්‍රියාත්මක වීම ද පැසසුමට ලක් කළ නියෝජිත පිරිස ඒ සඳහා තාක්ෂණික සහාය අවශ්‍ය වන්නේ නම් එය ලබා දීමටත් සූදානමින් පසුවන බව ප්‍රකාශ කළේ ය.

ඝ්Sඵ්+ සහනය ලබා දීම සඳහා ශ්‍රී ලංකාව ඉන්දියන් සාගරයේ වැදගත් සන්ධිස්ථානයක පිහිටීමේ සාධකයත් සලකා බැලෙන බවත් මෙම සංචාරයේ දී ශ්‍රී ලංකාව පිළිබඳව සකස් කරනු ලබන වාර්තාව වැදගත් වනු ඇති බවත් මෙහිදී අවාධාරණය කරනු ලැබිණි. මීට අමතරව 2028 ජනවාරි වන විට කම්කරු ගැටලු සහ කම්කරු නීතිවලට අදාළ නව කොන්දේසි මාලාවක් සකස් වීමට නියමිත බැවින් එයට සූදානම් වන ලෙසත් එතෙක් ඝ්Sඵ්+ සහනය ක්‍රියාත්මක වනු ඇති බවත් නියෝජිත පිරිස අමාත්‍යතුමා දැනුවත් කළේ ය.

මෙම සාකච්ඡාවට යුරෝපා සංගමය නියෝජනය කරමින් ශ්‍රී ලංකාව සහ මාලදිවයින සඳහා යුරෝපා සංගමයේ තානාපති කාමන් මොරෙනෝ (Cඅර්මෙන් Mඔරෙනෝ, වෙළෙඳ හා ආර්ථික ආරක්ෂාව පිළිබඳ ජනරාල්, ප්‍රතිපත්ති නිලධාරී ගයිඩෝ ඩොලාරා ( ඝුඉඩො ඪොලරා, යුරෝපීය බාහිර ක්‍රියාකාරී සේවයෙහි ශ්‍රී ලංකා නිලධාරී ගලිජා අගිෂේවා (ඝලිජ ඇගිශෙවා යන මහත්ම මහත්මීන් ඇතුළු පිරිසක් එක්ව සිටියහ. විදේශ කටයුතු, විදේශ රැකියා සහ සංචාරක අමාත්‍යංශය නියෝජනය කරමින් අමාත්‍යංශ ලේකම් අරුණි රණරාජ මහත්මිය ඇතුළු ජ්‍යෙෂ්ඨ නිළධාරීන් පිරිසක් ද එක්වූහ.

ස්වර්ගස්ථ වූ ශුද්ධෝත්තම ෆ්‍රැන්සිස් පාප් වහන්සේගේ අවසන් කටයුතු අප්‍රේල් 26 වන සෙනසුරාදා සිදුකරන බව විදෙස් මාධ්‍ය වාර්තා කරයි.

සාම්ප්‍රදායිකව පාප්වරුන්ගේ අවමංගල කටයුතු විචිත්‍රත්‍වයෙන් යුතුව පැවැත්වූවත්, ෆ්‍රැන්සිස් පාප්වහන්සේගේ අභිමතය පරිදි මෙම අවස්ථාව සරල ආකාරයකින් සිදුකිරීමට වතිකානය සැලසුම් කර තිබේ.