කටාර්හි දෝහා හි පැවති ජාත්‍යන්තර බර ඉසිලීමේ සම්මේලනයේ (IWF) Grand Prix 2023 ඉසව්වේ දී ශ්‍රී ලංකා බර ඉසිලීමේ ක්‍රීඩක දිලංක කුමාර අද (05) ලෝකඩ පදක්කම් දෙකක් දිනා ගැනීමට සමත් විය.

2024 පැරිස් ඔලිම්පික් ක්‍රීඩා උළෙලට සුදුසුකම් ලැබීමේ ඉසව්වක් ලෙස IWF විසින් පවත්වනු ලබන මෙම තරඟාවලිය දෙසැම්බර් 14 දක්වා පැවැත්වේ.

කුමාර (කිලෝ ග‍්‍රෑම් 55), ඉන්දික දිසානායක (කිලෝ ග‍්‍රෑම් 73) සහ හංසනී ගෝමස් (කි‍ලෝ ග‍්‍රෑම් 49) යන ක්‍රීඩක ක්‍රීටිකාවන් SLWF ශ්‍රේණිගත කිරීම් අනුව මෙවර තරගාවලියට තේරී පත්ව ඇත.

මෙහෙදී කුමාර snatch ක්‍රමය යටතේ 112KG ක බරක් එසවීමට සමත් වූ අතර, clean & jerk ක්‍රමය යටතේ 133KG ක බරක් එසවීමට සමත් වුනා. ඒ් අනුව, කිලෝග්‍රෑම් 245 ක සමස්ත බරක් ඔසවමින් මෙම ඉසව්වේ ලෝකඩ පදක්කම දිනා ගැනීමට කුමාර සමත් විය.

මේ අතර, ගෝමස් කිලෝග්‍රෑම් 49 ඉසව්වෙන් පදක්කමක් දිනා ගැනීමට අපොහොසත් වූ නමුත් ස්නැච් (කිලෝග්‍රෑම් 75) සමස්ත කිලෝග්‍රෑම් 164 ක් සමඟින් ශ්‍රී ලංකා වාර්තා බිහි කිරීමට සමත් විය.

බටහිර ඉන්දීය කොදෙව් ක්‍රීඩක ඩැරන් බ්‍රාවෝ ක්‍රිකට් ක්‍රීඩාවෙන් තාවකාලිකව ඉවත්වීමට තීරණය කර තිබේ.

එංගලන්ත කණ්ඩායම සමග පැවැත්වෙන එක්දින තරගාවලියට නම් කළ කොදෙව් සංචිතයට ඇතුළත් නොකිරීමත් සමග ඔහු මෙම තීරණය ගෙන ඇති බවයි විදෙස් මාධ්‍ය වාර්තා කර තිබීඅ. කෙසේ වුවඩ කණ්ඩායම සමග යළි එක්වීමේ බලාපොරොත්තු අත්හැර නොමැති බවයි ඩැරන් බ්‍රාවෝ ප්‍රකාශ කර ඇත්තේ.

බටහිර ඉන්දීය කොදෙව් කණ්ඩායමේ එංගලන්ත තරග සංචාරය ලබන මාසයේ දී පැවැත්වීමට නියමිතය.

ශ්‍රී ලංකා ක්‍රිකට් ආයතනයේ සාමාජිකත්වය අත්හිටුවූ බවට අන්තර්ජාතික ක්‍රිකට් කවුන්සිලය (ICC) නිවේදනය කර තිබේ.

අන්තර්ජාතික ක්‍රිකට් කවුන්සිල සාමාජිකයෙකු ලෙස ශ්‍රී ලංකා ක්‍රිකට් වගකීම් බරපතළ ලෙස උල්ලංඝණය කරමින් සිටින බව අද (10) අන්තර්ජාතික ක්‍රිකට් කවුන්සිලයේ රැස් වූ මණ්ඩලයේදී තීරණය කර ඇති බව සඳහන් වේ.

විශේෂයෙන්ම එහි කටයුතු ස්වාධීනව කළමනාකරණය කිරීමේ අවශ්‍යතාවය සහ පාලනය, නියාමනය සහ පරිපාලනයට රජයේ මැදිහත්වීමක් නොමැති බවට ශ්‍රී ලංකාවේ ක්‍රිකට් සහතික විය යුතු බව එහි දැක්වේ.

අත්හිටුවීමේ කොන්දේසි ICC මණ්ඩලය විසින් ඉදිරියේදී තීරණය කරනු ඇති බවට එම නිවේදනයේ වැඩිදුරටත් සඳහන් විය.