තාක්ෂණික දෝෂයක් හේතුවෙන් එංගලන්තයේ ගුවන් යානයක් හදිසි ගොඩබෑමක් සිදුකර තිබේ බව විදෙස් මාධ්‍ය වාර්තා කරයි.

ගුවන් යානය පියාසර ආරම්භ කළ සමගම එන්ජිමක ඇතිවූ තාක්ෂණික දෝෂයක් හේතුවෙන් මෙම හදිසි ගොඩබෑම සිදුව ඇති බවද වාර්තා වෙයි.

අදාළ ගුවන් යානයේ මගීන් 70 දෙනෙකු සිටි අතර ඔවුන් සියල්ලන්ම ආරක්ෂිතව යානයෙන් ඉවත් කර ඇති බවද විදෙස් මාධ්‍ය තවදුරටත් පවසයි.

ජපානයේ ටෝකියෝ නුවර පිහිටි ඉදිකිරීම් ස්ථානයක දරුණු පිපිරීමක් සිදුවීමෙන් පුද්ගලයින් දසදෙනෙකු තුවාල ලබා ඇති බව විදෙස් මාධ්‍ය වාර්තා කරයි.

මෙම අනතුර සිදුවී ඇත්තේ ගෑස් නලයක් පුපුරා යාම හේතුවෙන් බවද වාර්තා වන අතර, පිපිරීමෙන් පසුව ආරක්ෂක හා බේරාගැනීමේ කණ්ඩායම් වහාම ක්‍රියාත්මක වී තිබේ.

කෙසේවෙතත් තුවාල ලැබූවන්ගේ තත්ත්වය බරපතළ නොවන බවද විදෙස් මාධ්‍ය තවදුරටත් පවසයි.

ජාත්‍යන්තර මූල්‍ය අරමුදලේ නවතම දත්ත අනුව ඉන්දියාව ජපානය පසුකරමින් ලොව සිව්වැනි විශාලතම ආර්ථිකය ලෙස තම පිහිටුම තහවුරු කර තිබේ.

මෙම වාර්තාවල සඳහන් වන්නේ ඉන්දීය ආර්ථිකය මේ වන විට අමෙරිකානු ඩොලර් ට්‍රිලියන 4ක් වටින බවයි.

එමෙන්ම ඉදිරි දෙවසරක කාලය තුළ ලොව වේගවත්ම සංවර්ධනය විය හැකි ආර්ථිකය ලෙස ඉන්දියාව පත්වනු ඇති බව IMF ආචාර්යයින් පවසති.

වඩාත් දීර්ඝ අපේක්ෂාවක් වශයෙන්, වසර 3ක් ඇතුළත ජර්මනිය පසු කරමින් ලොව තෙවැනි විශාලතම ආර්ථිකය වශයෙන්ද ඉන්දියාව පිහිටනු ඇති බව වාර්තාවේ සඳහන් වේ.