Connect with us

Local News

ගසාහි ළමා අරමුදලට දායක වූවන්ට ජනපතිගෙන් තුති..

Published

on

ජනාධිපති රනිල් වික්‍රමසිංහ මහතාගේ සංකල්පයක් අනුව 2024 මාර්තු 04 වන දින ආරම්භ කරන ලද ගාසාහි ළමා අරමුදලට ශ්‍රී ලාංකික පරිත්‍යාගශීලින් හා විවිධ ආයතන විසින් මේ දක්වා රුපියල් මිලියන 127ක මුදලක් පරිත්‍යාග කර තිබෙන අතර ඊට දායක වූ සියලුදෙනා වෙත ජනාධිපති රනිල් වික්‍රමසිංහ මහතාගේ සහ ජනාධිපති කාර්යාලයේ ස්තූතිය පළ කර සිටියි.
එසේම විවිධ පාර්ශ්වයන් වෙතින් ලැබුණු ඉල්ලීම් අනුව මැයි 31 දක්වා තවදුරටත් මීට දායකවීමට අවස්ථාව සලසා තිබෙන අතර අදාළ සියලු පරිත්‍යාගයන් කඩිනමින් එක්සත් ජාතීන්ගේ සහන සහ වැඩ නියෝජිතායතනය වෙත ලබාදීමට නියමිතය.

Continue Reading
Click to comment

Leave a Reply

Your email address will not be published. Required fields are marked *

Local News

2025 දී මෙරට සංචාරකයින් 16 ලක්ෂ ඉක්මවයි….

Published

on

By

2025 වසරේ මේ දක්වා ශ්‍රී ලංකාවට පැමිණ ඇති සංචාරකයින් ගණන ලක්ෂ 16 ඉක්මවා තිබෙන බව ශ්‍රී ලංකා සංචාරක සංවර්ධන අධිකාරිය නිකුත් කළ නවතම සංඛ්‍යා ලේඛනවල සඳහන් වේ.

ඊයේ (07) වන විට 1,604,018ක් දක්වා විදේශ සංචාරකයින් මෙරටට පැමිණ ඇති අතර, සැප්තැම්බර් මාසයේ මුල් දින හත තුළ සංචාරකයින් 37,495ක් ශ්‍රී ලංකාවට පිවිස තිබේ.

සැප්තැම්බර් මාසයේදී ඉන්දියාවෙන් 10,171ක් (27.1%) පැමිණ ඇති අතර, එක්සත් රාජධානියෙන් 3,033ක්, ජර්මනියෙන් 2,426ක්, ඔස්ට්‍රේලියාවෙන් 1,806ක් සහ චීනයෙන් 1,803ක් මෙරටට පැමිණ තිබේ.

මෙම වසරේ මුළු සංචාරක සංඛ්‍යාවෙන් ඉන්දියාවෙන් 335,766ක්, එක්සත් රාජධානියෙන් 154,174ක් සහ රුසියාවෙන් 119,592ක් පැමිණ ඇති බවද සංචාරක සංවර්ධන අධිකාරිය වැඩිදුරටත් නිවේදනය කරයි.

Continue Reading

Local News

රත්‍රං මිල අද තෙවරක් ඉහළට – පවුමක් රු. 5,000කින් වැඩිවෙයි…

Published

on

By

මෙරට රත්‍රං මිල අද (08) දිනය තුළ රු. 5,000ක පමණ ඉහළ ගොස් ඇති බව කොළඹ හෙට්ටිවීදිය රන් වෙළෙඳපොළ ආරංචි මාර්ග පවසයි.

ඒ අනුව “කැරට් 22” රන් පවුමක මිල සෙනසුරාදා (06) දින රු. 266,400ක් ලෙස පැවති අතර, අද දිනයේ තුන් වතාවක් ඉහළ ගොස් රු. 271,000ක් දක්වා වාර්තා වී තිබේ.

මෙම අතර, “කැරට් 24” රන් පවුමක මිලද සෙනසුරාදා රු. 288,000ක් ලෙස පැවති අතර, අද (08) දින තෙවන වතාවට ඉහළ යාමත් සමග රු. 293,000ක් දක්වා ඉහළ ගොස් තිබේ.

අද උදෑසන සිට දිනයේ තුන් වතාවක් රන් මිල ඉහළ ගොස් තිබීමද විශේෂත්වයක් වී ඇත.

Continue Reading

Local News

වසර 09කට පසු පළාත් පාලන සතිය නැවත – “පුනරුදයේ පුරවරය” යටතේ සැප්තැම්බර් 15 සිට 21 දක්වා

Published

on

By

2025 වසරේ පළාත් පාලන සතිය සැප්තැම්බර් 15 සිට 21 දක්වා “පුනරුදයේ පුරවරය” යන තේමාව යටතේ පවත්වන බව පළාත් සභා සහ පළාත් පාලන නියෝජ්‍ය අමාත්‍ය ප්‍රභා රුවන් සෙනෙරත් මහතා ප්‍රකාශ කළේය.

2016දී අවසන් වරට පවත්වා තිබූ පළාත් පාලන සතිය, නව රජය බලයට පත්වීමෙන් පසු පවත්වන පළමු අවස්ථාව බවද එහිදී සදහන් කරන ලදි.

“පුනරුදයේ පුරවර” සතිය තුළ ජනතා අවශ්‍යතා සපිරීම, ජීවත්වෙන පරිසරය සුරැකීම සහ අනාගත දැක්මක් ඇති නගරයක් බිහිකිරීම සඳහා රාජ්‍ය පරිපාලන, පළාත් සභා හා පළාත් පාලන අමාත්‍යංශය මෙහෙයවනු ඇත.

එම සතියේ දිනයන් සඳහා විශේෂ වැඩසටහන් නම්කර ඇති අතර,

  • සැප්තැම්බර් 15 – ජංගම සේවා දිනය,
  • 16 – පරිසර සහ රුක් රෝපණ දිනය,
  • 17 – සෞඛ්‍ය හා සනීපාරක්ෂක දිනය,
  • 18 – ආදායම් ප්‍රවර්ධන දිනය,
  • 19 – සාහිත්‍ය, අධ්‍යාපන හා පුස්තකාල දිනය,
  • 20 – මහජන උපයෝගීතා දිනය,
  • 21 – සහතික පත්‍ර ප්‍රදානය හා සමාප්තිය යැයි සඳහන් කෙරේ.

රාජ්‍ය පරිපාලන අමාත්‍ය ආචාර්ය ඒ. එච්. එම්. එච්. අබේරත්න මහතා පෙන්වා දුන්නේ, සතිය පුරා ඇති වැඩසටහන් රජයේ ප්‍රධාන ව්‍යාපෘති තුනක් ආවරණය කරන බවත්, විශේෂයෙන් කැලි කසල බැහැර කිරීම, ආයතනගත ගැටලු විසඳීම සහ ඩිජිටල්කරණය පිළිබඳ වැඩපිළිවෙලට අදාළ වැඩසටහන් සිදු කරන බවත්ය.

මෙම සතියේ අවසාන ඉලක්කය වන්නේ ජනතාවගේ දුප්පත්කම අඩු කර ශක්තිමත් ආර්ථිකයක් සහිත සතුටින් ජීවත්විය හැකි ප්‍රජාවක් බිහිකිරීම බවද ඔහු අවධාරණය කළේය.

Continue Reading

ප්‍රවණතාවන්