මුදල් විශුද්ධිකරණ චෝදනාවකට සම්බන්ධව පේරු හිටපු ජනාධිපති ඔලන්තා උමාලා සහ ඔහුගේ බිරිඳ නදීන් හෙරෙඩියාට වසර 15 ක සිර දඬුවම් නියම කර ඇති බව විදෙස් මාධ්‍ය වාර්තා කරයි.

වසර 3කට වැඩි කාලයක් පැවති නඩු විභාගයක තීන්දුවක් ලෙස මෙම දඬුවම නියම කර තිබේ.

2006 සහ 2011 අතර කාලයේදී බ්‍රසීලයේ ඉදිකිරීම් සමාගමකින් නීතිවිරෝධී අරමුදල් ලබාගත් බවට ඔවුන්ට චෝදනා එල්ල වී ඇත.

ඉන්දියානු සාගරයේ අග්නිදිග කොටස වන සවුත්ඊස්ට් ඉන්දියන් රිජ් ප්‍රදේශයේදී පෙරවරු 7.13 ට පමණ මැග්නිටියුට් ඒකක 6.6 ක ප්‍රබල භූ කම්පනයක් සිදුවී ඇති බව විදෙස් මාධ්‍ය වාර්තා කරයි.

මෙම භූ කම්පනය මුහුදු අභ්‍යන්තර කඳුවැටියක ඇතිවූවක් වන අතර, සුනාමි අනතුරු ඇඟවීමක් නිකුත් වී නොමැට්ගි බව වාර්තා වේ.

මෙයට සමගාමීව ඇෆ්ගනිස්ථානයේ හින්දු කුෂ් ප්‍රදේශයේද මැග්නිටියුට් ඒකක 5.6 ක භූ කම්පනයක් වාර්තා වී ඇත. එහිදී ජීවිත හානි හෝ දේපල හානි පිළිබඳව වාර්තා වී නොමැති අතර භූ කම්පනය පතුලේ සිට කිලෝමීටර් 121 ක් ගැඹුරින් සිදුවී ඇති බව වාර්තා වේ.

අමෙරිකානු ජනපති ඩොනල්ඩ් ට්‍රම්ප් විසින් චීන භාණ්ඩ සඳහා පැනවූ 125% ක තීරු බදු වලින් ස්මාර්ට්ෆෝන්, පරිගණක සහ මෙමරි කාඩ්පත් ඇතුළු ඉලෙක්ට්‍රොනික කොටස් කිහිපයක් නිදහස් කර තිබේ.

මෙය තීරණය කර ඇත්තේ, එම තීරු බදු හේතුවෙන් අමෙරිකාවේ තාක්ෂණ සමාගම් දැක්වූ කනස්සල්ල හේතුවෙනි. ඔවුන් අනතුරු ඇඟවූයේ මෙම භාණ්ඩ සඳහා මිල ඉහළ යාමක් සිදුවිය හැකි බවයි.

ඒ අනුව, චීනයෙන් ආනයනය වන ඉලෙක්ට්‍රොනික උපාංග විශාල ප්‍රමාණයකින් යුක්ත නිෂ්පාදනවලට බලපෑම් අවම කිරීම සඳහා මෙම සහනය ලබාදී තිබේ.