Connect with us

Local News

නව කම්කරු කොමසාරිස් ජනරාල්වරිය ලෙස නදීකා වටලියද්ද පත් කෙරේ…

Published

on

අද(24) නාරාහේන්පිට පිහිටි කම්කරු දෙපාර්තමේන්තුවේදී නව කම්කරු කොමසාරිස් ජනරාල් ලෙස නදීකා වටලියද්ද වැඩභාර ගත් අතර, ඇය කම්කරු දෙපාර්තමේන්තු ඉතිහාසය තුළ කම්කරු කොමසාරිස් ජනරාල් ධුරයට පත් තෙවැනි කාන්තාව වේ.

ගඟසිරිපුර කණිෂ්ඨ විද්‍යාලය, ගම්පොල ශාන්ත ජෝෂප් බාලිකා විද්‍යාලය සහ මහනුවර මහමායා බාලිකා විද්‍යාලය යන විදුහල්වල අධ්‍යාපනය හදාරා ඇති ඇය පේරාදෙණිය විශ්ව විද්‍යාලයේ භූගෝල විද්‍යාව පිළිබඳ ගෞරව උපාධිධාරිණියක් ද වේ. එමෙන්ම කොළඹ විශ්ව විද්‍යාලයෙන් ශ්‍රම අධ්‍යයනය පිළිබඳව ද, ඕස්ට්‍රේලියාවේ Flinders විශ්ව විද්‍යාලයෙන් කාන්තා අධ්‍යයනය පිළිබඳව ද, එක්සත් රාජධානියේ South Wales විශ්ව විද්‍යාලයෙන් ව්‍යාපාර පරිපාලනය පිළිබඳව ද පශ්චාත් උපාධි ද ඇය හිමි කරගෙන තිබේ.

2001 වර්ෂයේදී කම්කරු නිලධාරිනියක ලෙස රාජ්‍ය සේවයට එක්ව ඇති නදීකා වටලියද්ද, 2003 වර්ෂයේදී ශ්‍රී ලංකා පරිපාලන සේවයට එක්වුණි.

ඇය ආගමන විගමන දෙපාර්තමේන්තුවේ නියෝජ්‍ය කොමසාරිස්වරියක ලෙසත්, ජාතික ශ්‍රම අධ්‍යයන ආයතනයේ අධ්‍යක්ෂ ජනරාල්වරියක ලෙසත්, ශ්‍රී ලංකා සංචාරක සහ හෝටල් කළමණාකරණ ආයතනයේ අධ්‍යක්ෂ ජනරාල්වරියක ලෙස සහ අධ්‍යාපන අමාත්‍යාංශයේ අතිරේක ලේකම්වරියක ලෙස මෙන්ම, රාජ්‍ය ආයතන රැසක විවිධ තනතුරු වල සේවයේ යෙදී තිබේ.

Local News

සිරි දළදා වන්දනා කාලය පැයකින් දීර්ඝ කෙරේ…

Published

on

By

සිරි දළදා වන්දනාව සඳහා සැදැහැවතුන්ට ලබාදුන් කාලය පැයකින් දීර්ඝ කර තිබේ.
ඒ අනුව අද සිට ලබන 27 වැනිදා දක්වා සෑම දිනකම පෙරවරු 11 සිට පස්වරු 5.30 දක්වා දළඳා වන්දාවට අවස්ථාව හිමිවනු ඇති අතර සිරි දළඳා වන්දනාව සඳහා මේ වන විටත් දිවයිනේ නන් දෙසින් ජනතාව මහනුවරට පැමිණෙමින් සිටී.

Continue Reading

Local News

නොරොච්චෝලේ විදුලි බලාගාරය සම්පූර්ණයෙන්ම ක්‍රියාත්මකයි…

Published

on

By

අවුරුදු සමයේ බලශක්ති ඉල්ලුම අඩුවීම හේතුවෙන් අක්‍රීය කර තිබූ නොරොච්චෝලේ විදුලි බලාගාරයේ ජනන යන්ත්‍රයක් අද (21) උදෑසන 11.00ට නැවත ක්‍රියාත්මක කළ බව ලංකා විදුලිබල මණ්ඩලය නිවේදනය කළේය.

වර්තමානයේ ඉහළ වාත්තු ඉල්ලුම සලකා බලා බලාගාරයේ ඒකක තුනම ක්‍රියාත්මක බවද සඳහන් වේ.

Continue Reading

Local News

සිරි දළදා වන්දනාව හේතුවෙන් මහනුවර පාසල් කිහිපයකට අද සිට විශේෂ නිවාඩු…

Published

on

By

සිරි දළදා වන්දනාව හේතුවෙන් මහනුවර නගර සීමාවට ආසන්නව පිහිටි පාසල් කිහිපයකට අද (21) සිට අප්‍රේල් 25 වැනිදා දක්වා විශේෂ නිවාඩු ලබාදී ඇති බව මධ්‍යම පළාත් අධ්‍යාපන කාර්යාලය සඳහන් කළේය.

අවශ්‍යතා මත මෙම නිවාඩු කාලය දිගු කළ හැකි අතර, එවිට පාසල් තවදුරටත් වසා තබා ගැනීමට කටයුතු කරන බවද සඳහන් වේ.

මෙම පාසල් වෙන් කර ඇත්තේ මහනුවර ආරක්ෂාවට යොදවන පොලීසිය සහ ත්‍රිවිධ හමුදා සාමාජිකයින්ට නවාතැන් ලබා දීම සඳහාය.

එසේම, දළදා වන්දනාව සදහා පැමිණෙන ආබාධිත සහ වැඩිහිටි පුද්ගලයින්ට නවාතැන් පහසුකම් සලසන කටයුතු සඳහාද මෙම පාසල් භාවිතා කරන බව අදාළ ආයතන පවසයි.

Continue Reading

ප්‍රවණතාවන්