ලුණු හිඟය හේතුවෙන් බේකරි කර්මාන්තය දැඩි අභියෝගයකට මුහුණදෙමින් සිටින බව සමස්ත ලංකා බේකරි හිමියන්ගේ සංගමයේ සභාපති එන්.කේ. ජයවර්ධන මහතා සඳහන් කරයි.

ඔහු කියා සිටියේ, පවතින ලුණු ගැටලුව පිළිබඳව අදාළ අමාත්‍යවරයා දැනුවත් කර ඇති අතර, අවශ්‍ය ප්‍රමාණයෙන් ලුණු සැපයීමට වග බලාගන්නා බව අමාත්‍යවරයා විසින් දැනුම් දී ඇති බවය.

මේ පිළිබඳව අදහස් දක්වමින් එන්.කේ. ජයවර්ධන මහතා සඳහන් කර සිටියේ බේකරි කර්මාන්තයට අත්‍යවශ්‍ය වන්නේ ලුණු කැට නොව, ලුණු කුඩු බවත් ලුණු හිඟය එළඹෙන සතියේදී හෝ විසඳේවි යැයි බලාපොරොත්තු වන බවත් සඳහන් කර සිටියා.

අධ්‍යාපන අමාත්‍යාංශය විසින් 2025 වසර සඳහා උසස් පෙළ වෘත්තීය විෂය ධාරාව යටතේ 12 ශ්‍රේණියට සිසුන් ඇතුළත් කිරීම සඳහා අයදුම්පත් කැඳවීමට පියවර ගෙන ඇත.

මෙම වෘත්තීය විෂය ධාරාව සඳහා අයදුම් කිරීමේදී සාමාන්‍ය පෙළ විභාගයේ සමත්කම හෝ අසමත්කම සැලකිල්ලට නොගන්නා බව අමාත්‍යාංශය නිවේදනය කරයි.

අයදුම්පත් ලබා ගැනීමට https://moe.gov.lk/2025/05/37984/ වෙත පිවිසිය හැක.

16 වන රණවිරු සැමරුමට සමගාමීව ආබාධිත රණවිරුවන් ඇගයීමේ උත්සවයක් අද (19) පස්වරුවේ මාතර රුහුණු පුරවර අභිමංසල ආබාධිත රණවිරුවන්ගේ පුනරුත්ථාපන මධ්‍යස්ථානයේදී පැවැත්විණි.
මේ සදහා පාර්ලිමේන්තු මන්ත්‍රී මහාචාර්යය එල්.එම් අබේවික්‍රම මහතා සහ අභිමංසල මධ්‍යස්ථානය නියෝජනය කරමින් මේජර් ජයන්ත දනේෂ්,ලුතිනල් නිලංගසිරි ඇතුලු නිළදාරීන් පිරිසක්ද සහබාගී වූහ.
පාර්ලිමේන්තු මන්ත්‍රී මහාචාර්යය එල්.එම් අබේවික්‍රම මහතා මධ්‍යස්ථානයේ සිටි ආබාධිත රණවිරුවන් සමග සුහද පිලිසදරක නිරත වූ අතර ඔවුන් සදහා වටිනා සමරු තිලිණයක්ද පිරිනමනු ලැබීය.

මේ රණවිරුවන් තම ජීවීත පරිත්‍යාගයෙන් දිනා දුන් මේ ජයග්‍රහණය වචන වලින් විස්තර කිරීමට නොහැකි බවත් මේ රජය යටතේ ආබාධිත රණවිරුවන්ගේ අවශ්‍යයතා නිබදව සොයාබැලීමට කැපවෙන බවත් මාධ්‍ය වෙත අදහස් දක්වමින් පාර්ලිමේන්තු මන්ත්‍රී එල්.එම් අබේවික්‍රම මහතා වැඩිදුරටත් පැවසීය.