තම ගැටලුවලට රජයෙන් සම්පූර්ණ විසඳුම් නොලැබූ බව පෙන්වමින් විශ්වවිද්‍යාල ආචාර්ය සමිති සම්මේලනය අද (30) දිවයිනේ සියලු රාජ්‍ය විශ්වවිද්‍යාලවල එක්දින වැඩවර්ජනයක් ආරම්භ කළේය.

ඒ අනුව, කොළඹ, පේරාදෙණිය, රුහුණ, රජරට, යාපනය ඇතුළු විශ්වවිද්‍යාල රැසක දේශන ඇතුළු සියලු අධ්‍යයන කටයුතු අදට අක්‍රිය විය.

ආචාර්යවරුන් මෙය සිදු කරන්නේ,

ආචාර්ය හිඟය

වැටුප් ගැටලු සහ විෂමතාව

පර්යේෂණ සඳහා වන ප්‍රතිපාදන අඩුවීම

පහසුකම් වර්ධනය නොවීම
ඇතුළු ගැටලු කිහිපයක් මුල් කර ගනිමින්ය.

සමිති සම්මේලනය කියා සිටියේ, මේ පිළිබඳව රජයේ බලධාරීන් සමඟ අවස්ථා ගණනාවක සාකච්ඡා කළද මෙතෙක් කිසිදු සාධනීය විසඳුමක් නොලැබූ බවයි.

එක්දින වැඩවර්ජනය සමගාමීව, ආචාර්යවරුන් අද දහවල් විශ්වවිද්‍යාල ඉදිරිපිට උද්ඝෝෂණ ද ආරම්භ කරමින් රජය වෙත කඩිනම් විසඳුම් ඉල්ලා සිටියහ.

බස්නාහිර පළාත් මාර්ගස්ථ මගී ප්‍රවාහන අධිකාරිය පවසන්නේ, ප්‍රවේශ පත්‍රයක් නොමැතිව බස්රථවල ගමන් කරන මගීන්ට හෙට (01) සිට දඩයක් නියම කරන බවයි.

අධිකාරියේ ධාවන කළමනාකරු ජීවින්ද කීර්තිරත්න මහතා පැවසුවේ, මගීන්ට ප්‍රවේශ පත්‍ර නිකුත් නොකරන කොන්දොස්තරවරුන්ට ද දඩ නියම කිරීමට කටයුතු කර ඇති බවය.

ඒ අනුව හෙට සිට බස්නාහිර පළාතේ ධාවනය වන සියළු බස්රථවල ගමන් කරන මගීන්ට ප්‍රවේශ පත්‍රය අනිවාර්යව ලබා ගත යුතු බවත් කොන්දොස්තරවරුන් එය නිකුත් කළ යුතු බවත් සදහන් කර ඇත.

මෙම තීරණය පිළිබඳව සභාපති ගාමිණී ජාසිංහ මහතා ද පවසා ඇති අතර, බස්නාහිර පළාතේ මගී ප්‍රවාහන බස්රථ සඳහා හෙට (01) සිට ප්‍රවේශ පත්‍ර නිකුත් කිරීම අනිවාර්ය බව සදහන් කරයි.

විශ්වවිද්‍යාල ආචාර්යවරුන්ගේ සමිති සම්මේලනය විසින් ඉල්ලීම් කිහිපයක් මුල් කරගෙන අද (30) සිට එක්දින වැඩ වර්ජනයක් ආරම්භ කර ඇත.

ඒ, ආචාර්ය හිඟය, වැටුප් විෂමතාව සහ දීමනා කප්පාදුවට විරෝධය පළ කිරීමේ අරමුණින්ය.

සම්මේලනය සඳහන් කළේ අද දිනයේ දිවයිනපුරා සියළු විශ්වවිද්‍යාලවල මෙම වැඩ වර්ජනය ක්‍රියාත්මක වන බවයි.

බලධාරීන් සමඟ කිහිප වරක් සාකච්ඡා කළද තවමත් සෘජු විසඳුමක් නොලැබූ බවද එම සම්මේලනය පවසා ඇත.