ඊයේ (09) දිනයේ දී දිවයිනේ ප්‍රදේශ කිහිපයකින් වාර්තා වූ මාරක රියඅනතුරු රැසකින් කිහිප දෙනෙකු ජීවිතක්ෂයට පත්ව ඇති බව පොලිස් මාධ්‍ය කොට්ඨාසය පවසයි.
දොම්පේ පොලිස් වසමේ කොස්පැලවත්ත ප්‍රදේශයේ දී සිදුවූ අනතුරකින් පුද්ගලයින් දෙදෙනෙකු ද, මේ අතර ගල්කිස්ස පොලිස් වසමේ රත්මලාන ප්‍රදේශයේ දී සිදුවූ අනතුරකින් එක් පුද්ගලයෙක්ද,මොරටුව සිට අත්තිඩිය හරහා බේකරිය හංදිය දෙසට ගමන්ගත් යතුරුපැදියක් අනතුරට ලක් වීමෙන් එක් අයෙක්ද, පේරාදෙණිය පොලිස් වසමේ කොළඹ – මහනුවර ප්‍රධාන මාර්ගයේ පොල්ගහමුල හංදිය අසල දී සිදුවූ අනතුරකින් එක් පුද්ගලයෙකුද, රාගල පොලිස් වසමේ බෘක්සයිට් හයිෆොරස්ට් මාර්ගයේ හයිෆොරස්ට් ප්‍රදේශයේ සිදුවූ අනතුරකින් 24 හැවිරිදි තරුණයෙක් ජීවිතක්ෂයට පත්ව ඇත.
