පළාත් පාලන මැතිවරණය කල් දැමීමට ජනාධිපති රනිල් වික්‍රමසිංහ ගත් තීරණයට තමන් විරුද්ධ බව හිටපු ජනාධිපති මහින්ද රාජපක්ෂ මහතා පවසයි.
මාධ්‍යවේදීන් අමතමින් හිටපු අග්‍රාමාත්‍යවරයා ප්‍රකාශ කළේ මැතිවරණය පැවැත්වීම ජනාධිපතිවරයාගේ වගකීමක් බවයි.
“අපි ඕනෑම වෙලාවක මැතිවරණයට ඉදිරිපත් වෙන්න සූදානම්. මේ ආණ්ඩුව මැතිවරණය දිනයිද කියලා අවිනිශ්චිතයි, ඒ නිසා තමයි මැතිවරණය කල් දැම්මේ” මහින්ද රාජපක්ෂ මහතා වැඩිදුරටත් පැවසීය.

මාර්ග සංවර්ධන අධිකාරිය විසින් මාර්ග දෙපස දැල්වෙන විදුලි ලාම්පු සඳහා ගෙවන බිල්පත් ගෙවීම එම මාර්ගයේ අදාළ නගර සභාවලට හා ප්‍රදේශීය සභාවලට ඉදිරියේදී ගෙවීමට සිදුවන බව පවසයි. මේ වනවිට අදාළ විදුලි බිල්පත් මාර්ග සංවර්ධන අධිකාරියෙන් ගෙවන බව එහි අධ්‍යක්ෂ ජනරාල් එල්.වි.එස් විරකෝන් මහතා සඳහන් කළේය. මේ දිනවල ඉතා අපහසු තත්ත්වයෙන් මාර්ග නඩත්තු කටයුතු සිදු කරන බව ද ඔහු වැඩිදුරටත් පැවසීය.

කුකුල් මස් මිල රු.1080 දක්වා අඩු කිරීමට පියවර ගන්නා බව ජාතික සත්ව නිෂ්පාදකයින්ගේ සංගමය ප්‍රකාශ කර සිටියා.

එම සංගමයේ කැදවුම්කරු සුජීව ධම්මික මහතා සදහන් කර සිටියේ එළඹෙන උත්සව සමයේ කුකුල් මස් ඉල්ලුම ඉහල යාම ගැන අවධානය යොනු කරමින් මෙම පියවර ගත් බවයි.

එමෙන්ම බිත්තර මිල්ද පහල දැමීමට කටයුතු කරන බවද ජාතික සත්ව නිෂ්පාදකයින්ගේ සංගමය වැඩි දුරටත් ප්‍රකාශ කර සිටියා.