පළාත් අතර සංචරණය සීමා ඉවත් කර ද විනෝද චාරිකා සඳහා පළාත් අතර ගමන් සීමා ඉවත් කර නොමැත. එය අත්‍යවශ්‍ය ගමන් බිමන් සඳහා පමණි. මේ බව මහජන සෞඛ්‍ය පරික්ෂකවරුන්ගේ සංගමයේ සභාපති උපුල් රෝහණ පවසයි.
සුගතදාස ගෘහස්ථ ක්‍රීඩාංගණයේදී පැවැති 99 වැනි ජාතික මලල ක්‍රීඩා ශූරතාවලියේදී ශ්‍රී ලංකා නාවික හමුදාවේ ප්‍රමුඛ කාන්තා නාවික ක්‍රීඩිකා ගයන්තිකා අබේරත්න මීටර් 1500 සහ මීටර් 5000 කාන්තා ඉසව්වලින් නව ශ්‍රී ලංකා වාර්තා දෙකක් පිහිටුවීමට සමත් වූවාය. කාන්තා නාවික ක්‍රීඩිකාවන් වන ගයන්තිකා අබේරත්න මීටර් 1500 කාන්තා ඉසව්ව මිනිත්තු 4 යි තත්ත්පර 9.12 කින් (4:9.12) නව ජාතික වාර්තාව […]
මුදල් අමාත්‍ය බැසිල් රාජපක්ෂ මහතා ඊයේ පෙරවරුවේ මහනුවර ශ්‍රී දළඳා මාලිගාවට පැමිණියේ ය.ශ්‍රී දළඳා මාලිගාවට පැමිණි මුදල් අමාත්‍යවරයා ඇතුළු පිරිස පිළිගනු ලැබුවේ, දියවඩන නිලමේ ප්‍රදීප් නිලංගදෑල මහතා විසිනි.එහිදී මුදල් අමාත්‍යවරයා පැවසුවේ, රටටත් ජනතාවටත් හොඳ අය වැයක් ඉදිරිපත් කිරීමට තමාට වාසනාව ලැබෙනු ඇතැයි, අපේක්ෂා කරන බවයි.
දිවයිනේ සියලුම පාසල් වල 10, 11, 12 සහ 13 ශ්‍රේණිවල අධ්‍යාපන කටයුතු ආරම්භ කිරීමට කොවිඩ් මර්දන කමිටුව නිර්දේශය ලැබී ඇති අතර 10, 11, 12 සහ 13 ශ්‍රේණිවල සිසුන් සඳහා සියලුම පාසල්වල අධ්‍යයන කටයුතු නොවැම්බර් 8 වැනි දින නැවත ආරම්භ කරන බව අධ්‍යාපන අමාත්‍යාංශය මීට සුළු මොහොතකට පෙර නිවේදනය කළේය.
සංචරණ සිමා ලිහිල් කිරීමත් සමග අන්තර් පළාත් බස් ධාවනය අනිද්දා සිට ආරම්භ කිරීම හේතුවෙන් පෞද්ගලික මගී ප්‍රවාහන කටයුතුවල යෙදෙන රියැදුරන්ට සහ කොන්දොස්තරවරුන්ට පූර්ණ එන්නත්කරණය අනිවාර්ය කර තිබේ.ජාතික ගමනාගමන කොමිෂන් සභාවේ අධ්‍යක්ෂ කමාන්ඩර් නිලාන් මිරෙන්ඩා මහතා සඳහන් කළේ, එය පරීක්ෂා කිරීම සඳහා ද වැඩපිළිවෙළක් සකස් කර ඇති බවය.
නොවැම්බර් 1 වැනිදා සිට 15 වන දින දක්වා නව මාර්ගෝපදේශ මාලාව නිකුත් කර ඇත. ඒ අනුව සාමාන්‍ය පෙළ සහ උසස් පෙළ සඳහා පමණක් උපකාර පන්ති 50%ක ධාරිතාවයෙන් නොවැම්බර් 16 වැනිදා සිට ආරම්භ කිරීමට අවසර දී ඇති බව සෞඛ්‍ය සේවා අධ්‍යක්ෂ ජනරාල්වරයා පවසයි.
අද දිනයේදී ද දිවයිනේ ප්‍රදේශ රැසකට වැසි ඇතිවිය හැකි බව කාලගුණ විද්‍යා දෙපාර්තමේන්තුව පවසයි. දිවයින ආසන්නයේ පවතින අඩු පීඩන කලාපයේ බලපෑම හේතුවෙන් උතුරු, උතුරු මැද, වයඹ, මධ්‍යම, සබරගමුව සහ බස්නාහිර පළාත්වලටත් ත්‍රිකුණාමලය දිස්ත්‍රික්කයටත් අද දිනයේ මිලිමීටර් 100 වැඩි තද වැසි ඇතිවිය හැකියි. ගිගුරුම් සහිත වැසි සමග හමන තද සුළංවලින් හා අකුණු අනතුරුවලින් ආරක්ෂා වන ලෙස […]
අතිපුජ්‍ය වැලිමිටියාවේ ශ්‍රී කුසලධම්ම නායක ස්වාමීන් වහන්සේගේ ආදහන පුජෝත්සවය හේතුවෙන් ඉරුදින ශෝක දිනයක් බවට ප්‍රකාශ කිරීමට රජය තීරණය කර ඇති බව ස්වදේශ කටයුතු අමාත්‍යාංශය නිවේදනය කරයි. උන්වහන්සේගේ ආදාහන පුජෝත්සවය පුර්ණ රාජ්‍ය අනුග්‍රහය සහිතව නිදහස් චතුරස්‍රයේදී පැවැත්වීමට නියමිතය
ජනාධිපතිවරයාගේ ප්‍රධානත්වයෙන් පැවැත්වු කොවිඩ් මර්දන කමිටුව රැස්වීමේදි අවසර ලබා දුන් නිසා නොවැම්බර් 1 දා සිට පළාත් අතර දුම්රිය ධාවන ආරම්භ වන බව ශ්‍රී ලංකා දුම්රිය ස්ථානාධිපති සංගමය පවසනවා.
ස්කොට්ලන්තයේ ග්ලාස්ගෝ නුවර පැවැත්වෙන 2021 එක්සත් ජාතීන්ගේ දේශගුණික විපර්යාස සමුළුව හෙවත් COP26 සඳහා සහභාගී වීම සඳහා ජනාධිපති ගෝඨාභය රාජපක්ෂ මහතා දිවයිනෙන් පිටත්ව ගොස් තිබේ.