ශ්රී ලංකා ආර්ථිකයේ ප්රධාන පාර්ශ්වකරුවන් සමග සිය සබඳතාව පුළුල් කිරීම ප්රධාන අරමුණ කර ගනිමින්, මහ බැංකුවේ මෙතෙක් ක්රියාත්මක වූ මුදල් ප්රතිපත්ති උපදේශන කමිටුව සහ මූල්ය පද්ධති ස්ථායිතා උපදේශන කමිටුව ප්රතිස්ථාපනය කරමින් පාර්ශ්වකරුවන්ගේ සහභාගීත්ව කමිටුව ස්ථාපිත කර තිබේ. මෙම කමිටුවේ සභාපතිවරයා ලෙස කොළඹ විශ්වවිද්යාලයේ, ආර්ථික විද්යා අංශයේ මහාචාර්ය සිරිමල් අබේරත්න මහතා කටයුතු කරන අතර පෞද්ගලික අංශයේ […]
අගෝස්තු 15 වන සඳුදා දින සිට රජයේ සහ රජයේ අනුමත සියලු පාසල් සාමාන්ය පරිදි සතියේ දින 05ම පැවැත්වීමට අධ්යාපන අමාත්යංශය විසින් තීරණය කර තිබෙනවා. මේ සම්බන්ධව අධ්යාපන අමාත්යංශය නිකුත් කළ නිවේදනය පහතින්.
සිරගතව සිටින හිටපු පාර්ලිමේන්තු මන්ත්රී රන්ජන් රාමනායක ජනාධිපති සමාව ඉල්ලා ජනාධිපතිවරයා වෙත යවනු ලබන ලේඛන සඳහා අත්සන් තබා ඇති බව රන්ජන් රාමනායකගේ නීතිඥවරයෙකු වන නීතිඥ දිනේෂ් විදානපතිරණ තහවුරු කර සිටියා. ජනාධිපති රනිල් වික්රමසිංහ විසින් මීට පෙර රන්ජන් රාමනායකට නිදහස ලබාදීම සම්බන්ධයෙන් සොයා බලන ලෙස අධිකරණ අමාත්යවරයාට දැනුම් දී තිබුණා.
වත්මන් ප්රවණතා සැලකිල්ලට ගනිමින් හා සෞඛ්ය ක්ෂේත්රය පිළිබඳව ජනතාව කඩිනමින් දැනුවත් කිරීම හා කඩිනමින් සෞඛ්ය පණිවිඩ ප්රචාරය කිරීමේ අරමුණින් දිවයින පුරා රෝහල් 600ක් ආශ්රිතව පුළුල් තිර රූවාහිනී පද්ධතියක් ස්ථාපනය කිරීමට සෞඛ්ය අමාත්යාංශය කටයුතු යොදා ඇත. ඒ පිළිබඳව ජනතාව දැනුවත් කිරීමේ මාධ්ය හමුවක් අද රජයේ ප්රවෘත්ති දෙපාර්තමේන්තු ශ්රවණාගාරයේ දී පැවැත්වූ අතර ඊට හිටපු සෞඛ්ය සේවා අධ්යක්ෂ […]
අගෝස්තු 15 වැනි දා සිට ක්රියාත්මක වන පරිදි තැපැල් ගාස්තු ඉහළ දමා තිබේ. තැපැල්පතිවරයා පැවසුවේ, සාමාන්ය ලිපියක් සඳහා නව ගාස්තුව රුපියල් 50 ක් හා ලියාපදිංචි ලිපියක් සඳහා නව ගාස්තුව රුපියල් 60 ක් බවයි.
ආගමන හා විගමන දෙපාර්තමේන්තුවේ නව පාලක ජනරාල්වරයා ලෙස හර්ෂ ඉලුක්පිටිය මහතා වැඩ adha (12) භාර ගෙන තිබේ.
ගාලු මුවදොර අරගලයේ ක්රියාකාරී සමාජිකයෙකු වූ ජීවන්ත පීරිස් පියතුමා අද (12) දහවල් නීතිඥවරයෙකු මාර්ගයෙන් කොළඹ කොටුව මහේස්ත්රාත් අධිකරණයට ඉදිරිපත් වුණා. අධිකරණ නියෝග කඩ කරමින් උද්ඝෝෂණවල නිරත වීම ඇතුළු චෝදනා ජීවන්ත පීරිස් පියතුමා වෙත එල්ල වී තිබූ අතර අධිකරණයට ඉදිරිපත් වූ ජීවන්ත පීරිස් පියතුමා ඇප මත නිදහස් කර තිබේ.
කොළඹ, කොටුව මහේස්ත්රාත් අධිකරණය, ජනාධිපති මන්දිරයට අයුතු ලෙස ඇතුල් වී එහි දේපොළවලට හානි සිදු කිරීමේ චෝදනාවට රක්ෂිත බන්ධනාගාරගත කරන සිටින ධානිෂ් අලි ඇතුළු සැකකරුවන් 04 දෙනෙකු ලබන 26 වැනිදා තෙක් තවදුරටත් රක්ෂිත බන්ධනාගාර ගත කරන ලෙස අද (12) නියෝග කළේ ය. සිද්ධියට අදාළ විමර්ශන කටයුතු තවදුරටත් සිදුවන නිසා සැකකරුවන් තවදුරටත් රක්ෂිත බන්ධනාගාර ගත කරන ලෙස […]
පෙට්රල් මෙට්රික් ටොන් 35,000ක් රැගත් නෞකාවක් ඊයේ රාත්රියේ දිවයිනට ළඟා විය. එම පෙට්රල් තොගය ගොඩබෑම අද (12) ආරම්භ කරන බව විදුලිබල හා බලශක්ති අමාත්යාංශය පවසයි.එමෙන්ම බොරතෙල් රැගත් නෞකාවක් හෙට (13) දිවයිනට පැමිණීමට නියමිත බව ද අමාත්යාංශය සඳහන් කළේය.ඒ අනුව සපුගස්කන්ද තෙල් පිරිපහදුව අගෝස්තු මස 15 වනදා සිට යළි මෙහෙයුම් ආරම්භ කිරීමට නියමිතයි.
මහ කන්නයේ වගාවන් සඳහා යූරියා පොහොර මෙට්රික් ටොන් 100,000ක් ආනයනය කිරීමට කෘෂිකර්ම අමාත්යාංශය පියවර ගෙන ඇත. මෙම යූරියා පොහොර තොගය ඔක්තෝම්බර් මස මුල් සතියේදී ශ්රී ලංකාවට ලැබෙන බව වාණිජ පොහොර සමාගමේ සභාපති මෙත්සිරි විජේගුණවර්ධන මහතා පැවසීය.