රට තුළ පවතින අහිතකර කොවිඩ් තත්ත්වය හේතුවෙන් ඉදිරි දින කිහිපය තුළදී කොටුව, කොළඹ 2 වන හරස් වීදියේ ව්යාපාර වල හිමිකරුවන් තම වාණිජ මධ්යස්ථාන වසා දැමීමට තීරණය කර තිබේ. දිවයිනේ බොහෝ ප්රදේශවලින් ජනතාව ප්රදේශයට ඇතුළු වන හෙයින් 2 වන හරස් වීදියේ කොවිඩ් අවදානම ඉහළ මට්ටමක පවතින බව වෙළෙඳුන් සඳහන් කර තිබුණි.
ඔක්සිජන් මත යැපෙන රෝගීන්ගේ ප්රමාණය ඉහළ යෑම හේතුවෙන් කොවිඩ් -19 රෝගීන් සඳහා ප්රතිකාර කිරීමට අවශ්ය ද්රව වෛද්ය ඔක්සිජන් ලීටර 360,000ක් ආනයනය කිරීමට කැබිනට් මණ්ඩලයේ අනුමැතිය හිමිව තිබේ. අසාධ්ය රෝගීන් සඳහා සඳහා ඔක්සිජන් සැපයුම තහවුරු කිරීමට රජය විසින් මීට පෙර ඔක්සිජන් ලීටර 120,000ක් මාසිකව ආනයනය කර ගබඩා කිරීමට පියවර ගැනුණි.
ඔක්තෝබර් මාසයේ සිට වයස අවුරුදු 18-30 අතර පුද්ගලයින්ට එන්නත් ලබා දීමට සැලසුම් කරමින් සිටින බව යුද හමුදාපති ජෙනරාල් ශවේන්ද්ර සිල්වා මහතා පැවසීය. එමෙන්ම සැප්තැම්බර් අවසානය වන විට වයස අවුරුදු 30 ට වැඩි පිරිසගේ එන්නත් මාත්රාවන් දෙකම සම්පූර්ණ කිරීමට තීරණය කර ඇති බව ඔහු වැඩිදුරටත් සඳහන් කළේය.
නව අධ්යාපන අමාත්ය දිනේෂ් ගුණවර්ධන, ගුරුවරුන් විසින් මේ වන විට ආරම්භ කර ඇති වෘත්තිය සමිති ක්රියාමාර්ගය සාකච්ඡා මාර්ගයෙන් විසඳීමට අවශ්ය ක්රියාමාර්ග ගන්නා බව ප්රකාශ කර සිටියා. නව අධ්යාපන අමාත්යවරයා පූජ්ය ඇල්ලේ ගුණවංශ හිමි මුණගැසී සාකච්ඡාවක් ද පවත්වා ඇති අතර ඉන් අනතුරුව මාධ්ය වෙත අදහස් දක්වමින් මේ බව පවසා තිබෙනවා.
අද දිනයේ වාර්තා වු සමස්ත ආසාදිතයින් ගණන 3,414 බව යුද හමුදාපති, ජෙනරාල් ශවේන්ද්ර සිල්වා මහතා පැවසීය. මේ වන විට මෙරටදී හඳුනාගත් සමස්ත ආසාදිතයින් ගණන 355,482ක් දක්වා ඉහළගොස් තිබේ. එමෙන්ම ඊයේ (15) දින කොවිඩ් මරණ 167ක් සෞඛ්ය සේවා අධ්යක්ෂ ජනරාල්වරයා විසින් තහවුරු කර තිබේ. මෙම මරණ 167ත් සමග මෙරට සිදුවී ඇති සමස්ත කොවිඩ් මරණ සංඛ්යාව 6,263ක් […]
බහුතර මන්ත්රීවරුන්ගේ සහයෝගය අහිමිවීම හේතුවෙන්මැ ලේසියාවේ අගමැති මුහයිඩීන් යස්සින් සිය තනතුරෙන් ඉල්ලා අස්වී තිබේ. ඔහු වෙනුවට පත්කරන්නේ කවුරුද යන්න මෙතෙක් සඳහන් වී නොමැති අතර ඒ හේතුවෙන් රටතුළ දේශපාලන අස්ථාවර බවක් ඇතිවෙතැයි විදෙස් මාධ්ය පවසයි. මුහයිඩීන් යස්සින් මැලේසියාවේ අගමැතිවරයා ලෙස කටයුතු කළේ මාස 17ක් පමණි ඒ අනුව එරට අඩුම කාලයක් බලයේ සිටි නායකයා ඔහු වෙයි.
ශ්රී ලංකා ක්රිකට් කණ්ඩායමේ හිටපු එක්දින නායක කුසල් ජනිත් පෙරේරා කොවිඩ් ආසාදිත වී ඇති බවට හඳුනාගෙන තිබේ. එළඹෙන දකුණු අප්රිකානු ක්රිකට් තරගාවලිය සඳහා ශ්රී ලංකා ක්රිකට් සංචිතයට ද ඔහු ඇතුළත් වී සිටියේය.
ජනාධිපති ගෝඨාභය රාජපක්ෂ මහතාගේ යෝජනාවකට අනුව කැබිනට් අමාත්යවරුන් කිහිප දෙනෙකුගේ විශය පතයන් සංශෝධනය කොට තිබේ. ඒ අනුව නව අමාත්යවරුන් ජනාධිපති ගෝඨාභය රාජපක්ෂගේ ප්රධානත්වයෙන් අද (16) දිවුරුම් දුන්නේය. ඒ අනුවඅධ්යාපන අමාත්ය මහාචාර්ය ජී එල් පීරිස් විදේශ කටයුතු අමාත්යවරයා ලෙසත්,විදේශ කටයුතු අමාත්ය දිනේෂ් ගුණවර්ධන අධ්යාපන අමාත්යවරයා ලෙසත්,සෞඛ්ය ඇමතිනි පවිත්රා වන්නිආරච්චි ප්රවාහන ඇමතිනිය ලෙසත්,ජනමාධ්ය ඇමති කෙහෙළිය රඹුක්වැල්ල සෞඛ්ය […]
රිච්ටර් මාපකයේ ඒකක 7.2ක ප්රබලත්වයෙන් පසුගියදා ඇතිවූ භූ කම්පනයකින් හයිටි රාජ්යයේ නිවාස, දේවස්ථාන, පාසල් සහ ගොඩනැගිලි රැසක් සම්පුර්ණයෙන්ම විනාශ වී ගොස් තිබුණි. මේ වන විට ඉන් මියගිය පුද්ගලයින් සංඛ්යාව 1,297 දක්වා ඉහළ ගොස් තිබේ. එමෙන්ම විශාල පිරිසක් අතුරුදන්ව ඇති අතර 5,700ක් පමණ තුවාල ලබා ඇති බවද විදෙස් මාධ්ය වාර්තා කළේය. මේ හේතුවෙන් හයිටි අග්රාමාත්යවරයා විසින් […]
මහරගම පොලිස් ස්ථානයේ රාජකාරියේ නිරත පොලිස් පරීක්ෂකවරයකු, උප පොලිස් පරීක්ෂකවරුන් සිව්දෙනෙකු ඇතුළු නිලධාරීන් 12 දෙනෙකුට කොවිඩ්-19 වෛරසය ආසාදනය වී තිබේ. ඔවුන්ගේ ආශ්රිතයන් ලෙස හඳුනාගෙන ඇත තවත් නිලධාරීන් 15 දෙනෙකු නිරෝධායනය සඳහා ද යොමුකර ඇත. මහරගම පොලීසියේ ස්ථානාධිපතිවරයා පසුගියදා විරෝධතාවයක් අතරතුර අනතුරකට ලක්වීම හේතුවෙන් මේ වනවිට රෝහල්ගතව පසුවන අතර ඒ හේතුවෙන් පොලිස් ස්ථානයට වැඩබලන ස්ථානාධිපතිවරයෙකු පත්කර […]