කොවිඩ් තත්වය….
ඊයේ දිනයේ (11) හඳුනාගත් සමස්ත කොරෝනා ආසාදිතයින් ගණන 762ක් බව යුද හමුදාපති ලුතිනන් ජනරාල් ශවේන්ද්‍ර සිල්වා සඳහන් කර සිටිනවා. ඒ අනුව මෙරටින් වාර්තා වන සමස්ත ආසාදිතයින් සංඛ්‍යාව 31,375ක් වේ.
පෙර පාසල් ආරම්භ කිරීමට තීරණයක්…
කාන්තා හා ළමා සංවර්ධන, පෙර පාසල් හා ප්‍රාථමික අධ්‍යාපන, පාසල් යටිතල පහසුකම් හා අධ්‍යාපන සේවා රාජ්‍ය අමාත්‍යාංශය ප්‍රකාශ කර සිටියේ ජනවාරි මස සිට පෙර පාසල් ආරම්භ කිරීමට තීරණය කර ඇති බවයීමෙන්ම රාජ්‍ය අමාත්‍ය පියල් නිශාන්ත මහතා , ජාතික පෙර පාසල් ප්‍රඥප්තිය ද ඉදිරියේදී ජනාධිපතිවරයාට භාරදෙන බව්ද ප්‍රකාශ කරන ලදී.
2021 අය වැය වැඩි ඡන්ද 97කින් සම්මත වේ…
2021 වසර සඳහා වු අය වැය වැඩි ඡන්ද 97කින් අද (10) පාර්ලිමේන්තුවේදී සම්මත විය.. එයට පක්ෂව ඡන්ද 151 ලැබුණ අතර විපක්ෂව ලැබුණ ඡන්ද ගණන 54කි.
තවත් කොරෝනා මරණ 2ක්..
අද දිනයෙත් වාර්ථ වූ කොරෝනා මරණ 2ක සමඟ මෙරට සමස්ත මරණ ගණන 146ක් දක්වා ඉහළ ගොස් ඇත. එමෙන්ම එමෙන්ම විදේශයන්හි සිට මෙරටට පැමිණි 69 දෙනෙකුටද කොවිඩ් ආසාදනය වී ඇති බවට තහවුරු වීමත් සමඟ අද (10) දින වාර්ථ වූ රෝගීන් ගණන 538ක් දක්වා ඉහළ ගොස් තිබේ.
මහින්ද දේශප්‍රිය මහතාට අළුත් තනතුරක්..
හීටපු මැතිවරණ කොමිසම් සභාපති මහින්ද දේශප්‍රිය මහතා සීමා නිර්ණය කොමිසන් සභාවේ සභාපති තනතුරට පත් කර ඇත. ජයලත් රවී දිසානායක සහ පී.එච්.ජී. ප්‍රේමසිරි යන මහත්වරුන් මෙහි සෙසු සාමාජිකයන් වේ.
කොළඹ ප්‍රදේශ කීපයක ජල කප්පාදුවක්..
අද (10) උදෑසන සිට කොළඹ 12,13,14 සහ 15 ප්‍රදේශවලට පැය 24ක ජල සැපයුම අත්හිටුවන බව ජාතික ජල සම්පාදන හා ජලපවාහන මණ්ඩලය පවසයි.අඹතලේ සිට එළිහවුස් ජලාශය දක්වා නල මාර්ගයේ අලුත්වැඩියා කිරීමේදී සිදු වූ හදිසි බිඳ වැටීමක් මෙයට හේතු වී ඇත.
නව මැතිවරණ කොමිසමේ වැඩ ඇරඹෙයි..
පත් වූ නව සාමාජිකයන් සමඟ මැතිවරණ කොමිසමේ වැඩ අද (10) ආරම්භ වීමට නියමිතයි..එහි නව සභාපති නිමල් පුංචිහේවා මහතා වන අතර එම්.එම්.මොහෙමඩ්, එස්.බී.දිවාරත්න, කේ.පී.පී. පතිරණ හා ජීවන් ත්‍යාගරාජා යන මහත්වරුන් කොමිසමේ සෙසු සාමාජිකයින් වේ.
කොවිඩ් වාර්ථාව….
ඊයේ (09) දිනයේ තවත් කොවිඩ් අසාදිතයන් 335ක් පමණ හඳුනා ගැනීමත් සමඟ මෙරට සමස්ථ කොවිඩ් අසාදිහයන් ගණන 30,000 සීමව ඉක්මවා ගොස් ඇති බව වාර්ථා වේ.
ගූගල් ලූන් අසාර්ථකයි…
පසුගිය ආණ්ඩු සමයේ මුළු දිවයිනටම අන්තර්ජාල පහසුකම් ලබා දීම සඳහා ආරම්භ කළ “ගූගල් ලූන්” නම් ව්‍යපෘතිය අසාර්ථක වූ බව ඊයේ (08) කොඅප් කමිටු රැස්වීමේදී අණාවරණය වී තිබේ. මෙම ව්‍යපෘතිය සඳහා විශාල මුදලක් වැය වූ බවද සඳහන්.
ඥාතීන් භාර නොගත් කොවිඩ් මළසිරුරු ගැන තීරණය..
ඥාතීන් භාර නොගත් කොවිඩ් මළසිරුරු නීරෝධායන නීති වලට අනුව ආදාහනය කරන ලෙස නීතිපති විසින් සෞඛ්‍ය අධ්‍යක්ශක ජෙනරාල්වරයාට දැනුම් දී තිබේ.මෙලෙස මිය ගිය 19 දෙනෙකුගේ මෘත දේහ කොළඹ අධිකරණ වෛද්‍යවරයා යටතේ ඇති මෘත ශරීරාගාරයේ තැන්පත් කර ඇති බව වාර්ථා වේ.