අද (15) සිට ඉන්ධන ගැටලූවට විසදුමක් ලෙස කොළඹ නගරයට ඇතුලූවන රථ වාහන අවම කිරීමේ වැඩපිළිවෙල ක්‍රියාත්මක වනවා. නිවසේ සිට පැමිණෙන ජනතාවට මාකුඹුර, කඩවත සහ කටුබැද්ද ප්‍රදේශවල ස්ථාපිත ආරක්ෂිත රථගාල්වල සිය රථ වාහන ගාල් කර සුඛෝපබෝගී බස්රථ මගින් කොළඹ නගරයට පැමිණිය හැකි බවයි ප්‍රවාහන අමාත්‍යංශය සඳහන් කළේ. ඒ අනුව උදෑසන 6.30 සිට 8.00 දක්වා මාකුඹුර, කඩවත […]
වත්තල – ඇලකන්ද ප්‍රදේශයේදී වෙඩි තැබීමකින් පුද්ගලයෙකු අද ජීවිතක්ෂයට පත්ව තිබෙනවා.පොලීසිය පැවසුවේ, යතුරුපැදියකින් පැමිණි නාඳුනන තුවක්කුකරුවෙකු විසින් මෙම පුද්ගලයාට වෙඩි තබා ඇති බව ය.පහරකෑමට ලක්වූ පුද්ගලයා රාගම උතුරු කොළඹ ශික්ෂණ රෝහලට ඇතුළත් කිරීමෙන් පසු මියගොස් තිබේ.
ගෑස් මෙට්‍රික්ටොන් 3,900 ක් අඩංගු මෙරට මුහුදු සීමාවේ නැංගුරම්ලා ඇති නෞකාව සඳහා අදාළ ගෙවීම් මේ වන විට සිදුකර තිබෙනවා. ලිට්‍රෝ සමාගම සඳහන් කළේ අද (14) දිනයේ සිට ගෑස් බෙදා හැරීම ආරම්භ කරන බවයි.මෙම නෞකාව , ඩොලර් මිලියන 2.5 ක මුදලක් ගෙවීමට නොහැකිව දින 6 ක කාලයක් ශ්‍රී ලංකාව ආසන්න මුහුදු සීමාවේ අදාළ නැංගුරම්ලා තිබුණා.
වී අලෙවි මණ්ඩලය සතු සහල් තොග සතොස, සමුපකාර, සහ සුපිරි වෙළඳසැල් හරහා අලෙවි කිරීමට පියවර ගෙන ඇති බව කෘෂිකර්ම අමාත්‍ය මහින්ද අමරවීර මහතා පැවසීය. අමාත්‍ය අමරවීර මහතා පැවසුවේ, ඉහත කී ආයතන හරහා විකිණීමට ඇති සහල් තොග බෙදා හැරීම මේ වන විට සිදුවෙමින් පවතින බවයි.
බන්ධනාගාර රැඳවියන් 173 දෙනෙකුට පොසොන් පොහොය නිමිත්තෙන් නිදහස ලබාදීමට නියමිතව තිබෙනවා.අධිකරණ අමාත්‍යාංශය සඳහන් කළේ අධිකරණ බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය ජනාධිපති නීතිඥ ආචාර්ය විජයදාස රාජපක්ෂගේ නිර්දේශ මත නිදහස් කිරීමට පියවර ගෙන ඇති බවයි.
එම්.එම්. සී ෆර්ඩිනැන්ඩු මහතා ලංකා විදුලිබල මණ්ඩලයේ සභාපති ධුරයෙන් ඉල්ලා අස් වී තිබේ.ඒ අනුව නව සභාපතිවරයා ලෙස ලංකා විදුලිබල මණ්ඩලයේ උප සභාපතිවරයා ලෙස කටයුතු කරන නලින්ද ඉලංගකෝන් මහතා පත් කරන බව විදුලිබල හා බලශක්ති අමාත්‍ය කංචන විජේසේකර මහතා ඨ්විට්ටෙර් පණිඩයක් මගින් ප්‍රකාශ කර සිටියා.
විදුලි බල සැපයුම ඇතුළු තවත් සේවා කිහිපයක් අත්‍යවශ්‍ය සේවා බවට පත් කරමින් ජනාධිපතිතුමා විසින් අති විශේෂ ගැසට් නිවේදනයක් නිකුත් කර තිබේ. එම නිවේදනයට අනුව රෝහල්වල සාත්තු, නිවාසවල බෙහෙත් ශාලා සහ වෙනත් සමාන ආයතනවල රෝගීන් නඩත්තු කිරීම සහ පිළිගැනීම රැකවරණය , පෝෂණය කිරීම සහ ප්‍රතිකාර කිරීම සම්බන්ධව අවශ්‍ය හෝ කළ යුතු ඕනෑම සේවාවක් අත්‍යවශ්‍ය සේවා බවට […]
රටේ වත්මන් ආර්ථික තත්ත්වය සම්බන්ධයෙන් IMF හි කළමනාකාර අධ්‍යක්ෂ Kristalina Georgieva මහත්මිය සමඟ අග්‍රාමාත්‍ය රනිල් වික්‍රමසිංහ මහතා අඟහරුවාදා (7) සාකච්ඡාවක් පැවැත්වීය.අග්‍රාමාත්‍යවරයා ඉල්ලා සිටියේ IMF හි කාර්ය මණ්ඩල මට්ටමේ නියෝජිත කණ්ඩායම හැකි ඉක්මනින් ශ්‍රී ලංකාවට පැමිණෙන ලෙසත් එවිට කාර්ය මණ්ඩල මට්ටමේ ගිවිසුම අවසන් කිරීමට හැකි වන ලෙසයි.පාලම් මූල්‍ය සම්බන්ධ සාකච්ඡා ශ්‍රී ලංකාව සහ ජාත්‍යන්තර මූල්‍ය අරමුදල […]
ශ්‍රී ලංකාවේ ඉන්ධන අර්බුදය හේතුවෙන් පෞද්ගලික – රාජ්‍ය මගී ප්‍රවාහන සේවාවලට දැඩි බලපෑමක් එල්ල වී තිබේ. මේ හේතුවෙන් පෞද්ගලික බස් රථ, ත්‍රිරෝද රථ සහ කුලී රථ සේවා පූර්ණ ධාරිතාවයෙන් ක්‍රියාත්මක නොවේ.කෙසේ වෙතත්, ශ්‍රී ලංකා ගමනාගමන මණ්ඩලය (ශ්‍රී ලංගම) සහ ශ්‍රී ලංකා දුම්රිය සේවය කියා සිටියේ ඉන්ධන අර්බුදය හමුවේ වුවද සිය සේවා අඛණ්ඩව ක්‍රියාත්මක වන බවයි.ලංකා […]
අද (08) මධ්‍යම රාත්‍රියේ සිට ලංකා විදුලිබල මණ්ඩල ඉංජිනේරු සංගමය වැඩ වර්ජනයක් ආරම්භ කරන බව නිවේදනය කර සිටී. විදුලි බල පනත සංශෝධනය කිරීමට විරෝධය පළ කරමින් මෙම වෘත්තීය ක්‍රියාමාර්ගයට එළැඹෙන බව එහි සභාපති අනිල් රංජිත් ඉඳුවර මහතා ප්‍රකාශ කරා.