ලබන සඳුදායින් පසු ක්‍රමානුකූලව රට විවෘත කිරීමට රජය පියවර ගනු ඇතැයි, කොවිඩ් රෝග පාලන කටයුතු රාජ්‍ය අමාත්‍ය විශේෂඥ වෛද්‍ය සුදර්ශනී ප්‍රනාන්දුපුල්ලේ මහත්මිය පවසයි. රාජ්‍ය අමාත්‍යවරිය සඳහන් කළේ, වාර්තාවන රෝගීන්ගේ සහ මරණ සංඛ්‍යාවන්හි අඩුවක් ද දක්නට ඇති බවත් සති 4ක කාලයක් රට වසා තැබීම ප්‍රමාණවත් බවත් ය. කෙසේ වුවද එන්නත්කරණය සහ අනෙකුත් සෞඛ්‍ය ආරක්ෂිත ක්‍රමවේද අනුගමනය […]
ප්‍රවීණ මලල ක්‍රීඩිකා සුසන්තික ජයසිංහ මහත්මියට ද කොවිඩ් -19 වෛරසය ආසාදනය වී ඇති අතර ඇය තම පවුලේ සාමාජිකයින් සමග වෛද්‍ය අධීක්ෂණය යටතේ නිවසේදී ප්‍රතිකාර ලබමින් සිටී.
රට සුපිරි වේගපන්දු යවන ක්‍රීඩක ලසිත් මාලිංග විස්සයි විස්ස ක්‍රිකට් පිටියට සමුදීමට තීරණය කර තිබේ. සිය ෆේස්බුක් ගිණුමේ මෙලෙස සටහනක් තබමින් ඔහු ඒ බව ප්‍රකාශ කර ඇත. “වසර 17ක් පුරාවට ජාතික සහ ජාත්‍යන්තර ක්‍රිකට් ක්‍රීඩාව තුළින් මම ලබාගත් දැනුම, අත්දැකීම් තවදුරටත් මට ක්‍රිකට් පිටියක් තුළ අවශ්‍යය වෙන එකක් නෑ.. මොකද.. මගේ ක්‍රිකට් ජීවිතයේ ඉතිරි වුණ […]
අද (14) රාත්‍රී 07ට සංචාරක දකුණු අප්‍රිකානු කණ්ඩායම සහ ශ්‍රී ලංකා කණ්ඩායම අතර අවසන් 20යි 20 තරඟය ආර්. ප්‍රේමදාස ක්‍රීඩාංගණයේදී පැවැත්වේ. තරඟ තුනකින් සමන්විත තරඟාවලිය 2-0ක් ලෙස ජය ගැනීමට දකුණු අප්‍රිකානු කණ්ඩායම මේ වන විටත් සමත්ව තිබේ. අද තරඟය සඳහා ශ්‍රී ලංකා කණ්ඩායමේ වෙනස්කම් කිහිපයක් සිදුකිරීමට නියමිත බව වාර්තා වේ.
ගෘහස්ථ ගෑස් සිලින්ඩරයක මිල ඉහළ නැංවීම සදහා ගෑස් සමාගම් රජයෙන් යළි ඉල්ලීම් සිදු කර ඇති බව පාරිභෝගික ආරක්ෂණ රාජ්‍ය අමාත්‍ය ලසන්ත අලගියවන්න පවසනවා. ඊට හේතුව ලෝක වෙළෙඳ පොළේ ගෑස් මිල ඉහළ යාම බවයි ඔවුන් ප්‍රකාශ කළේ.කෙසේ වුවද ඒ සම්බන්ධයෙන් තවදුරටත් සාකච්ඡා සිදු කෙරමින් පවතින බවයි රාජ්‍ය අමාත්‍ය ලසන්ත අලගියවන්න වැඩිදුරටත් සඳහන් කළේ.
විදේශ අමාත්‍ය මහාචාර්ය ජී එල් පීරිස් අද ස්විට්සර්ලන්තයේ ජිනීවා නුවර පැවැත්වෙන ජගත් මානව හිමිකම් කවුන්සිලයේ 48 වන සැසිවාරය ඇමතීමට නියමිතව තිබෙනවා. මානව හිමිකම් මහ කොමසාරිස්වරිය විසින් ඊයේ එල්ලකල චෝදනාවලට, ශ්‍රී ලංකාව සම්බන්ධයෙන් වාචික වාර්තාවක් ඉදිරිපත් කරමින් එහිදී පිළිතුරු ලබාදෙනු ඇති බවයි වාර්තා වන්නේ.
2021 සැප්තැම්බර් මස 15 වනදා සිට ක්‍රියාත්මක වන පරිදි අජිත් නිවාඩ් කබ්රාල් මහ බැංකුවේ නව අධිපතිවරයා ලෙස ජනාධිපතිවරයා විසින් පත් කර ඇති බව ජනාධිපති මාධ්‍ය අංශය නිවේදනයක් නිකුත් කරමින් ප්‍රකාශ කරනවා.
කොවිඩ් වෛරසය අසාදනය වී පේරාදෙණිය මහ රෝහලේ දැඩිසත්කාර ඒකකයේ ප්‍රතිකාර ලබමින් සිටි, කෑගල්ල උප නගරාධිපති ලලිත් ජයශාන්ත මහතා අද (13) සවස අභාවප්‍රාප්ත වී ඇති බව වාර්තා වෙයි.
ඊයේ (12) දිනට තවත් කොවිඩ් මරණ 135ක් සෞඛ්‍ය සේවා අධ්‍යක්ෂ ජනරාල්වරයා විසින් තහවුරු කර තිබේ.මේ වන විට මෙරට සිදුවී ඇති සමස්ත කොවිඩ් මරණ සංඛ්‍යාව 11,431ක් දක්වා ඉහළගොස් ඇත. එමෙන්ම අද දිනයේ ආසාදිතයින් ගණන 2,560ක් හඳුනා ගැනීමත් සම්ඟ මෙරටදී හඳුනාගත් සමස්ත ආසාදිතයින් ගණන 488,482ක් දක්වා ඉහළගොස් තිබේ. අද දිනය තුළ ආසාදිතව සිටි 1,483ක් සුවය ලැබීමත් සමග […]
තලෙබාන් පාලනය යටතේ ඇෆ්ගන් තරුණියන්ට විශ්වවිද්‍යාල අධ්‍යාපනය ලැබීමට අවසර හිමිවන නමුත් පිරිමි ළමුන් හා එකට සිට අධ්‍යාපනය ලැබීමට නොහැකි බව නව උසස් අධ්‍යාපන ඇමති අබ්දුල් බාකි හකානි පවසා තිබේ. විශ්වවිද්‍යාල සිසුවියන් සඳහා නව ඇඳුම් කට්ටලයක් ද හඳුන්වාදෙන බව ඔහු සඳහන් කර ඇත. එමෙන්ම විශ්වවිද්‍යාල සිසුන් උගත යුතු විෂයන් පිළිබඳව සමාලෝචනයක්ද ඇමතිවරයා විසින් ඉදිරිපත් කර තිබේ.